У сталiцы мяркуецца будаўнiцтва трох падземных транспартных тунэляў.
Такiя планы закладзены ў карэктуры Генеральнага плана развiцця сталiцы да 2030 года.
Як расказалi ў КУП «Мiнскграда», першы тунэль будзе пачаты на вулiцы Акадэмiчнай i выйдзе на вулiцу Сурганава за праспектам Незалежнасцi.
Другi звяжа вулiцу Жукоўскага (на скрыжаваннi з Магiлёўскай) з вулiцай Ульянаўскай (за вулiцай Свярдлова).
Трэцi пачнецца ад вулiцы Ленiна (за скрыжаваннем з вулiцай Ульянаўскай) i выйдзе на праспект Пераможцаў у раёне яго скрыжавання з вулiцай Багдановiча. Гэта дазволiць павялiчыць прапускную здольнасць на самых «вузкiх» i складаных участках вулiчна‑дарожнай сеткi горада. Адзначым, што пакуль гэта толькi стратэгiя развiцця транспартнай сеткi Мiнска. Яе рэалiзацыя патрабуе вялiкiх капiталаўкладанняў.
0
0
0
0
0
0