20.07.2009 / 19:26

Кіраўнік прэс‑службы Памежных войскаў «чытаў ЖЖ Адамовіча і абураўся» 22

Паэт‑блукальнік Славамір Адамовіч перасёк мяжу, але звестак пра яго няма.

Паэт‑блукальнік Славамір Адамовіч перасёк мяжу, але звестак пра яго няма.

Знакаміты паэт Славамір Адамовіч, які 7 гадоў пражыў у Нарвегіі ў статусе ўцекача, меў быў у суботу перасячы польска‑беларускую мяжу. Але пакуль паэт не аб’явіўся.

Адамовіч перад гэтым неаднаразова прадказваў «скандал», бо вяртаецца без неабходных дакументаў. Тэрмін дзеяння ягонага беларускага пашпарту скончыўся яшчэ ў 2007 годзе, а дабрацца да кансуляту ў Стакгольме ў яго не было сродкаў.

У прэс‑службе Дзяржаўнага памежнага камітэта РБ «Нашай Ніве» адказалі, што грамадзянін Адамовіч Славамір без усялякіх праблемаў перасёк мяжу 18 ліпеня ў Гродне.
Кіраўнік прэс‑службы Аляксандр Цішчанка быў вельмі абураны паводзінамі Адамовіча перад прыездам. Ён сказаў, што быў чытаў ЖЖ Адамовіча і не разумее заявы паэта наконт таго, што яго нібыта могуць не пусціць у Беларусь. «Кожны грамадзін Беларусі можа вярнуцца ў сваю краіну, нават калі тэрмін дзеяння пашпарту скончыўся».
Датэлефанавацца да самога паэта мы пакуль не здолелі. Ягоны нарвежскі тэлефон у панядзелак быў адключаны. Нумар ягонай сястры не адказваў, а мама Юзэфа ў Альхоўцы (Мядзельскі раён) тэлефона не мае.

Спадзяёмся, што ў паэта ўсё добра і ён проста ўзяў паўзу, вярнуўшыся нарэшце дахаты пасля шматгадовых блуканняў. А свая хатка яна ж як родная матка.

Вольга Жарнасек

0
Кнехт / Адказаць
20.07.2009 / 20:04
У прэс‑службе Дзяржаўнага памежнага камітэта РБ «Нашай Ніве» адказалі, што грамадзянін Адамовіч Славамір без усялякіх праблемаў перасёк мяжу 18 ліпеня ў Гродне. --------------------------------------- З вяртаннем на Радзіму, паэт!
0
Вандроўнік па сьвету / Адказаць
20.07.2009 / 20:08
Маю заўвагу спадарыня Вольга... Адамовіч ніколі ня меў статуса палітычнага ўцекача (і дзякуй Богу , што яму гэтага статуса і не далі ўлады Каралеўства Нарвегіі) . Таму ўнясіце калі ласка каррэкцівы ўсюду. Паэт-блукальнік атрымаў звычайны гуманітарны прытулак . А тое што ён вярнуўся на Беларусь, так гэта прадказальна (ён дарэчы ўжо бываў на Радзіме раней , праўда не афішіруючы гэта) таму што нічога ён не нажыў ў Нарвегіі. Што ж цяпер ён напеўна будзе мілгацець ў мясцовым бамонде. Рэд. Мы й не пішам, што ён меў палітычны прытулак.
0
Вандроўнік па сьвету / Адказаць
20.07.2009 / 20:59
Рэд. Мы й не пішам, што ён меў палітычны прытулак. Калі вы кажаце меў ...статус уцекача... то маецца на увазе канвенцыя Па справах ўцекачоў ад 1951 г. па якой гэты статус і надаецца... іншага тут няма.. Вадаеце, як калісьці казаў Воланд у Булгакаўскім Майстры і Маргарыце... асятрына ня можа быць другой сьвежасьці. Вось гэтак і тут. Майбольш дакладным будзе ... зьехаў у эміграцыю ў Нарвегію... вярнуўся з эміграцыі з Нарвегіі. З павагай... Вандроўнік па сьвету...
Паказаць усе каментары/ 22 /
Каб пакінуць каментар, калі ласка, актывуйце JavaScript у наладах свайго браўзеру