За паўгадзіны сённяшняга ліўня ў Мінску выпала амаль палова месячнай нормы ападкаў.
У некаторых раёнах прайшоў град дыяметрам да 10 міліметраў. Пра гэта БелаПАН паведамілі ў Рэспубліканскім гідраметэацэнтры.
Як адзначылі спецыялісты, апошні раз такі моцны лівень у Мінску быў 16 гадоў таму і таксама 24 ліпеня.
У гідраметэацэнтры таксама паведамілі, што дождж можа доўжыцца яшчэ некалькі гадзін.
З‑за ліўня затоплены шэраг вуліц і плошчаў сталіцы. У зоне затаплення — вуліцы Няміга, Сурганава, плошча Перамогі, плошча Бангалор і іншыя раёны Мінска.
0
0
0
0
0
0
