28.07.2009 / 12:18

Мінчук закопваў наркотыкі ў лесе 2

Сталічная міліцыя перакрыла буйны канал пастаўкі псіхатропных рэчываў з‑за мяжы. Канфіскавана больш за 1 кг псіхатропных рэчываў. Пра гэта паведамляе прэс‑служба ГУУС Мінгарвыканкаму.

Падчас спецаперацыі быў затрыманы 26‑гадовы, раней судзімы за крадзеж, мінчук. Ён захоўваў у сваёй машыне з мэтай збыту 120 грамаў амфетаміна і 10 грамаў какаіна.

У лесе на 46‑м кіламетры дарогі Мінск‑Віцебск было знойдзена і канфіскавана 155 грамаў амфетаміну і 22 грама какаіну, якія належалі затрыманаму.

Рэчыва было запакаванае і закапанае ў зямлі.

У ходзе далейшай аперацый у лесе на тэрыторыі Лідскага раёна быў затрыманы 40‑гадовы грамадзянін адной з балтыйскіх краінаў, які ўвёз на тэрыторыю нашай краіны 1 кілаграм метамфетаміну.

У дачыненні да абодвух затрыманых заведзена крымінальная спрва па ч.3 арт.328 КК «Незаконны абарот псіхатропных рэчываў» (ад 8 да 13 гадоў пазбаўлення свабоды).

Як адзаначаюць аператыўнікі, у ходзе гэтай спецаперацыі быў перакрыты арганізаваны канал пастаўкі псіхатропных і наркатычных рэчываў на тэрыторыю Беларусі. Выяўленая партыя з’яўляецца самай буйной партыяй, канфіскаванай з пачатку гэтага году сталічнымі міліцыянтамі.

ВЖ

0
Крывіч / Адказаць
28.07.2009 / 12:27
Няхай бы ўвесь канфіскат ужыў затрыманы.
0
Homo habilis / Адказаць
28.07.2009 / 12:43
Можа думаў, што вырасьце амфітамінавае дрэва, але не пасьпезў дачакацца ўсходаў - арыштавалі...
Каб пакінуць каментар, калі ласка, актывуйце JavaScript у наладах свайго браўзеру