28.07.2009 / 14:25

Дэкларацыя аб суверэнітэце: як гэта было Відэа 5

Відэахроніка і ўспаміны ўдзельнікаў падзеяў 27 ліпеня 1990 г.

Сёлета спаўняецца 19 гадоў з дня прыняцця Дэкларацыі аб дзяржаўным суверэнітэце Беларусі. 27 ліпеня 1990 года Вярхоўны Савет БССР прагаласваў за тое, каб ператварыць сацыялістычную рэспубліку ў незалежную краіну. Тыя гістарычныя дні — праз аб’ектывы тэлекамераў і ўспаміны ўдзельнікаў абвешчання суверэнітэту Беларусі – Станіслава Шушкевіча, першага намесніка старшыні Вярхоўнага Савету XII склікання, а таксама Валянціна Голубева і Мікалая Аксаміта, дэпутатаў тагачаснага парламенту Беларусі.

0
Зьміцер / Адказаць
28.07.2009 / 18:05
Шушкевіч памыляецца, якое ЦК КПБ? " Яшчэ 11 траўня 1990 году Сойм БНФ заявіў пра незалежнасьць Беларусі як палітычную мэту, а ў канцы таго месяца БНФ правёў агульнанацыянальную канфэрэнцыю «Незалежная Беларусь» з удзелам больш як шасьцідзесяці дэмакратычных дэпутатаў усіх ўзроўняў (ад Вярхоўнага да раённых Саветаў). Асноўны даклад зрабіў Пазьняк.Распрацаваны БНФ праект Дэклярацыі аб сувэрэнітэце ў чэрвені 1990 году быў прапанаваны Вярхоўнаму Савету". http://www.nn.by/index.php?c=ar&i=28088 На жаль, усё гістарычнае відэа, гэта падзеі жніўня 1991 году, калі праваліўся путч і Дэкларацыі надавалі канстытуцыйныя паўнамоцтвы, а не ліпеня 1990. Тады сапраўды было шмат людзей на плошчы. Цікава, ці захавалася відэа прыняцьця дэкларацыі.
0
Актывіст / Адказаць
29.07.2009 / 09:00
Крок да незалежнасьці Калі я ўпершыню зайшоў у Авальную залю, адчуў тое, што, напэўна, адчувае асуджаны на сьмерць, калі яго ставяць перад растрэльнай камандай. У вачах — нянавісьць, у манерах — упэўненасьць у абсалютным валоданьні тваім лёсам; хіба што зброяй былі ня стрэльбы, а кнопкі для электроннага галасаваньня. Затое не дзесятак чалавек, а — амаль трыста... http://pbpf.org/art.php?art=96&cat=4&lang=be
0
Аксамітка / Адказаць
29.07.2009 / 17:16
НН, павесьце яшчэ інтэрвью Пазьняка пра гэтыя падзеі. Насам рэч апазыцыя вельмі добра згуляла на глупстве тых прасавецкіх дэпутатаў, якія зацягвалі прыняцьце рэзалюцыі і рабілі ўсё проста назло Пазьняку. Калі апазыцыя дэманстратыўна пакінула залю, то дэпутаты прынялі дэкларацыю проста назло Пазьняку 'Ага, Пазьняк супраць, значыць так і трэба зрабіць'. вось тутака пачытайце: http://www.nn.by/index.php?c=ar&i=28088
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру