а таксама іншыя мілыя прыстасаванні кшталту комплексу першаснай перапрацоўкі быдла.
Вешалка для галавы — усяго за 11 425 рублёў.
На сайце «Беларусбанку» ў раздзеле, прысвечаным рэалізацыі закладзенай маёмасці, можна даведацца шмат цікавага. Так філіял №520 ААТ «АСБ Беларусбанк» у Мінску рэалізуе прамысловае абсталяванне і побытавую тэхніку. Тут ёсць усё: ад тартачнай рамы Пені-Кай-65 да мікрахвалёўкі Samsung M1833NR, а таксама вежавы кран КБ 572-б для пагрузкі лесу (самы дарагі ў спісе — 42 693 989 рублёў). Асаблівую ўвагу выклікае абсталяванне, якое відавочна прызначаецца для мясакамбінату. Чаго толькі няма: і вешалкі для галоваў, і ванны для збору крыві, і цэлыя комплексы першаснай перапрацоўкі быдла. Напрыканцы спісу — ёмістасць для выварочвання кішак В2-КБС/9. Тут самая дарагая шкрабмашына В2-ФСЧ — 3 608 845 рублёў, а вось вешалку для галоваў можна набыць усяго за 11 425 рублёў. Кожнаму па кішэні.
Выпадкова трапіўшы на гэтую старонку, міжволі страшна робіцца за нявыплачаны крэдыт :).
