28.07.2009 / 22:48

Бр. Пётра Рудкоўскі пра івянецкі казус: Палажанку лепш успрымаць як каштоўнасць З каментароў на сайце НН 94

Па-першае, спадарычна раздавала брашуркі, у якой месціліся рэфлексіі пра нацыянальныя сімвалы. Тое, што гэта магло ў нечым парушаць парадак ці рэгламент — не быўшы на месцы, цяжка сказаць — не выключаю. Можа і так. Толькі пры чым тут «палітычная агітацыя» альбо «абалваньванне моладзі»? Гэта яскрава культурніцкая акцыя, а не палітычная.

Па-другое, так, гэта частка шырэйшай праблемы. Праблема стасунку Касцёла да нацыянальнай культуры і грамадзянскай супольнасці. У мяне такое ўражанне, што

спадар Шыталь ды іншыя хрысціянскія актывісты намнога лепш абазнаны ў сацыяльным навучанні Касцёла, чым многія святары...

Я далёкі ад ідэалізавання моладзевых актывістаў і не выключаю, што за многімі акцыямі могуць хавацца нездаровыя амбіцыі, жаданне зарысавацца ці нешта падобнае. Так, гэтыя актывісты маюць свае недахопы (аналагічна як свае недахопы маюць і святары). І скажу больш: яны маюць права мець недахопы, маюць права рабіць памылкі, бо толькі пасіўна-абыякавае бервяно, якое куды пхні, туды коціцца, пазбаўлена недахопаў. Але яны, гэтыя

маладыя хрысціяне-заўзятары, з павышанай адчувальнасцю на праблемы нацыянальнай культуры, на грамадскія праблемы, яны ёсць тымі, з кім Касцёл павінен весці дыялог. Магчыма, крытычны дыялог, выхаваўчы дыялог, калі хочаце, магчыма, часам павінен іх крытыкаваць і карыгаваць, але яны мусяць успрымацца як пэўная каштоўнасць, а не як аб’ект пацыфікацыі
і — не дай Бог — выключэння з супольнасці як «антыхрысціянаў».

Меркаванне змешчана ў каментарах да артыкулу «Богу — Богава, а маладафронтаўку здалі міліцыі». Загаловак ад Рэдакцыі. Артыкул выклікаў бурлівае абмеркаванне, размешчана больш за 200 водгукаў.

* * *

Пётра Рудкоўскі — манах-дамініканец. Працаваў у Віцебску, Вільні, выкладаў у ЕГУ. Цяпер працуе ў Варшаве. Налета мае выкладаць у Жэшаве.

0
rudkouski.op / Адказаць
28.07.2009 / 23:55
Лепш трымацца далей ад нашаніўскіх форумаў, далібог.
0
ліцьвін / Адказаць
29.07.2009 / 00:26
да брата Пятра. Браце вельмі правідлова ўсё зазначана. але, калі святар просіць, падкрэсліваю просіць, спадарычню не раздаваць, як брат кажа, брашуркі пра нацянальныя сімвалы на тэрыторыі, дзе адбываюцца іншыя, рэлігійныя рэфлексіі, то добрай хрысціянцы хіба ж трэба было б прыслухацца. Па першае, арганізатары сустрэчы ладзілі гэтае мерапрыемства перад усім для рэфлексій рэлігійных, а не для культурна-нацыянальных, мастацкіх, палітычных і г.д.; па другое, моладзь якая сабралася, спадзяюся вельмі розная і розных поглядаў, якіх сабрало менавіта рэлігійная накіраваннасць сустрэчы; па трэцяе - арганізатары маюць адказнасць, як перад уладамі (хочам мы гэтага, ці не) так і перад сабраннай моладзю. І самое галоўнае святар адказвае за Касцёл
0
Greenpeace / Адказаць
29.07.2009 / 00:32
Absalutna zhodny
Паказаць усе каментары/ 94 /
Каб пакінуць каментар, калі ласка, актывуйце JavaScript у наладах свайго браўзеру