Пераможцам турніру па футболе «Кубак Свабоды» памяці Генадзя Карпенкі ўпершыню стала каманда Партыі камуністаў Беларускай (ПКБ).
13-ы турнір «Кубак Свабоды» прайшоў 1 жніўня на пляцоўцы спарткомплекса па вуліцы Гамарніка ў Мінску. Перамогу ПКБ забяспечыў варатар Сяргей Купровіч, які адбіў два пенальці пры ліку 1:1 у час паядынка з камандай Аб'яднанай грамадзянскай партыі (АГП).
Другое месца заняла традыцыйна моцная каманда АГП, трэцяе — каманда Партыі БНФ, мінулагодні пераможца турніру.
Найлепшым гульцом турніру названы член каманды ПКБ Сяргей Канцур,
найлепшым бамбардзірам — Дзмітрый Краўцэвіч (каманда АГП), найлепшым варатаром — Аляксандр Суднік (каманда Партыі БНФ).
Каманда Руху за Свабоду, якая ўдзельнічала ў турніры ўпершыню, атрымала адмысловы прыз Беларускай асацыяцыі журналістаў «Трымайся праўды» — за самую сумленную гульню.
Усяго ўдзельнікамі турніру сталі шэсць каманд — Беларускай асацыяцыі журналістаў, Партыі БНФ, АГП, ПКБ, Руху за Свабоду і аргкамітэту па стварэнні Беларускай сацыял-дэмакратычнай партыі («Свабода»).
Анатоль Лябедзька - адзін з ветэранаў турніру.
Алесь Лагвінец дэманстраваў інтэлігентны футбол.
Аляксей Кавалец (справа) з каманды Руху за Свабоду.
Журналісты аказаліся лепшымі заўзятарамі, чым гульцамі.
Каманда Беларускай асацыяцыі журналістаў не бядуе ад пройгрышу.
Завітаў на спабор і генерал Фралоў.
Анатоль Лябедзька падрапаў калена.
У фінале сустрэліся каманды камуністаў і лібералаў.
Камуністы перамаглі па выніках пенальці.
Анатоль Лябедзька: "За 15 год першы... і апошні раз перамаглі камуністы".
Дзмітры Яненка пераўтварыў футбольны кубак у кубак для шампанскага.
Каманда пераможцаў.
