14.08.2009 / 15:07

Без тэхагляду ў Беларусі эксплуатуецца 15% транспартных сродкаў 1

Пра гэта 14 жніўня на прэс‑канферэнцыі ў Мінску паведаміў намеснік начальніка ўпраўлення арганізацыі дзяржтэхагляду УП «Белтэхагляд» Аляксандр Сапроненка.

Разам з тым ён адзначыў, што ў першым паўгоддзі ніводная з абласцей не дапусціла зніжэння колькасці правераных транспартных сродкаў у параўнанні з аналагічным перыядам мінулага года.

Усяго за шэсць месяцаў 2009 года было праведзена амаль 1 млн. праверак тэхнічнага стану транспартных сродкаў і выдадзена больш за 747 тыс. дазволаў на допуск транспартных сродкаў да ўдзелу ў дарожным руху.

Сапроненка паведаміў, што зараз дзяржаўны тэхагляд транспартных сродкаў у Беларусі праводзяць 204 дыягнастычныя станцыі.

Сяргей Каралевіч, БелаПАН.

0
wint / Адказаць
14.08.2009 / 18:05
Гы. Я быў сярод тых 15 адсоткаў. У мінулым ліпені трэба было прайсьці тэхагляд, спачатку не было часу, езьдзіў так, потым ўжо было цікава, колькі праезжу без яго. :) Учора, што праўда, з'езьдзіў-прайшоў без пытаньняў. На 2 гады атрымаў квіток. Цікава, што за мінулы год без тэхагляда навучыўся езьдзіць амаль цалкам выконваючы патрабаваньні правілаў дарожнага руху. :) Як у тым анэгдоце: едзе па правілах, значыць нешта ў яго не ў парадку. :)
Каб пакінуць каментар, калі ласка, актывуйце JavaScript у наладах свайго браўзеру