Усэйн Болт усталяваў новы сусветны рэкорд, гэтым разам на чэмпіянаце свету па лёгкай атлетыцы. Фінальную дыстанцыю на 100 метраў ён праімчаўся за 9,58 секунды.
Трохразовы алімпійскі чэмпіён Усэйн Болт (Ямайка) 16 жніўня даказаў, што ён самы хуткі чалавек планеты. Фінальны забег на 100 метраў на чэмпіянаце свету па лёгкай атлетыцы, што праходзіць у Берліне, ён выйграў з вынікам 9,58 секунды!
Год таму, на Алімпіядзе ў Пекіне, яго сусветны рэкорд у 9,69 секунды падаваўся фантастыкай.
Болт абагнаў Тайсана Гея (ЗША) на 0,13 секунды (9,71), Асафу Паўэла (Ямайка) – на 0,26 секунды (9,84).
***
Чэмпіянат свету па лёгкай атлетыцы, што стартаваў у суботу ў сталіцы Нямеччыны, паказваюць ў жывым эфіры каналы «Лад» і «Еўраспорт».
У панядзелак пачатак трансляцыі на «Ладзе» ў 19:05. Беларуская дысцыпліна ў гэты дзень – кап’ё. У нядзелю ў штурханні ядра Наталля Міхневіч заняла 4-е месца. Золата выйграла Валеры Вілі (Новая Зеландыя).
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў32
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары