19.08.2009 / 10:06

Усё харашо... 6

Мінадукацыі: У новым навучальным годзе прыкладна 57% агульнаадукацыйных устаноў Беларусі будуць працаваць на беларускай мове.

У новым навучальным годзе прыкладна 57% агульнаадукацыйных устаноў Беларусі будзе працаваць на беларускай мове, яшчэ ў 4,7% выкладанне будзе весціся на дзвюх мовах.

Такія звесткі прывяла 18 жніўня на прэс-канферэнцыі ў Мінску намеснік міністра адукацыі Таццяна Кавалёва. Паводле яе слоў, прыкладна столькі ж беларускамоўных школ налічвалася ў краіне і летась.

Нягледзячы на тое што беларускамоўных школ у краіне больш, чым рускамоўных (большасць школ у сельскай мясцовасці афіцыйна з'яўляюцца беларускамоўнымі - БелаПАН), у іх вучыцца менш дзяцей, адзначыла намеснік міністра.

Паводле звестак Мінадукацыі, на пачатак мінулага года ў агульнаадукацыйных беларускамоўных установах усіх тыпаў вучыліся 195 тыс. 592 вучні (18,4% агульнай колькасці), у тым ліку 14 тыс. 712 першакласнікаў (16,7% агульнай колькасці першакласнікаў). У гарадах гэты паказчык складае ўсяго 1,9%.

Паводле слоў Кавалёвай залічэнне ў беларускамоўныя школы і класы адбываецца па жаданні дзяцей і бацькоў.

У Мінску, адзначыла яна, рускамоўнага насельніцтва больш, чым у іншых населеных пунктах. Адпаведна і рускамоўных школ у сталіцы больш, патлумачыла намеснік міністра.

Анастасія Янушэўская, БелаПАН.

Хочаш падзяліцца важнай інфармацыяй ананімна і канфідэнцыйна?

0
tt / Адказаць
19.08.2009 / 13:09
Ганьба для 10-мільённае нацыі! А гэтыя махінатарскія лічбы ў 57 - толькі прыкрыцьцё палітыкі русіфікацыі.
0
Мікалай Альховік / Адказаць
19.08.2009 / 13:36
Мой сябра вучыўся ў беларускай клясе. Дык у іх па-беларуску выкладалася ТОЛЬКІ ГЕАГРАФІЯ - дый то, географам была клясны кіраўнік, яна сьведамая, гаварыла зь дзецьмі на клясных гадзінах па-беларуску. Ціхаю сапою імпэрцы й іх падбрэхічы... пры падтрымцы большасьці грамадзянаў былога эўрапейскага ВКЛ нішчаць вялікую эўрапейскую нацыю.
0
: ( / Адказаць
19.08.2009 / 18:44
Ай..(( вучылася я ў беларускім класе. ( дзе дзетак прымушалі падчас іспыту пісаць заявы пра тое - что просім экзамен сдавать по-рускі.. Толькі таму што выкладчыкі не хацелі парыць сабе мозг дадатковымі цяжкасцямі. .
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру