19.08.2009 / 10:51

Бэлу чао 3

Лорду Цімаці Бэлу не падоўжылі кантракту, ад 18 жніўня англічанін ужо не працуе на Лукашэнку.

«Мы адпрацавалі дванаццаць месяцаў. Кантракт доўжыўся ад жніўня летась, і яго тэрмін скончыўся», — заявіў лорд Цімаці Бэл у інтэрв’ю EUobserver.

Кіраўнік брытанскага піяр‑агенцтва Bell Pottinger Group адмовіўся даваць больш шырокую інфармацыю. Паводле выдання, надалей Лукашэнка збіраецца сам займацца сваім іміджам, без парадаў з боку заходніх экспертаў.

У адным з мінулых інтэрв’ю сайту лорд Бэл станоўча ацэньваў вынікі сваёй працы ў Беларусі. «Вельмі гасцінны, вельмі прыемна было з імі працаваць», — зазначае англічанін.

У свае заслугі Бэл паставіў тое, што цягам году Лукашэнка даў інтэрв’ю такім уплывовым выданнем як Finacial Times і Frankfurter Allgemeine Zeitung. Лорд таксама ўхваліў з’яўленне на афіцыйных фотаздымках Лукашэнкі разам з малодшым сынам Колем.

За апошні год назіралася істотнае пацяпленне ў беларуска‑еўрапейскіх стасунках. У кастрычніку 2008 году былі адмененыя візавыя санкцыі супраць Лукашэнкі і шэрагу чыноўнікаў. Кіраўнік Беларусі наведаў Рым і Ватыкан, а таксама быў запрошаны на пражскі саміт «Усходняга партнёрства».

Бел вядомы ў Вялікабрытаніі па працы на прэм’ер‑міністра краіны Маргарэт Тэтчэр у 1980‑ыя гады. Кліентамі піяршчыка былі экс‑прэм’ер Тайланду Таксін Чынаўат, манархі Саудаўскай Аравіі. Цяпер Бел кансультуе вядомага расійскага алігарха Барыса Беразоўскага, які жыве ў Лондане.

ЗП

0
Homo habilis / Адказаць
19.08.2009 / 11:18
Ну цяпер Бульбашы будзе з'яўляцца на публіцы разам са сьвіньнямі эўрапейскага выгляду з адноўленых фермаў. Раней Бэл не дазваляў, а так хацелася...
0
Ігар зь Менску / Адказаць
19.08.2009 / 11:41
Прычына спыненьня супрацоўніцтва падаецца мне вельмі простай. Такі піяр каштуе зусім немалых грошай. А пасьля наладжваньня пэўнага дыялёгу з Эўропай улады палічылі, што плаціць далей - марнатраўства. У нечым ужо няма той патрэба, а нешта лічаць сябе здольнымі зрабіць і ўласнымі сіламі, бяз Бэлавай дапамогі.
0
Kub / Адказаць
19.08.2009 / 13:41
Перахапіла Бэла аППазыцыя ))))
Каб пакінуць каментар, калі ласка, актывуйце JavaScript у наладах свайго браўзеру