19.08.2009 / 11:02

Бізнесмен «абуў» два дзяржаўныя прадпрыемствы 1

УП «Белметалплюс» і ААТ «Гроднаоптгандаль» пацярпелі ад дзеянняў 53‑гадовага бізнесмена, кіраўніка і ўласніка пяці фірм. Пра гэта БелаПАН паведамілі ва УУС Мінаблвыканкама.

Як раней перадавала агенцтва, урон, нанесены аднаму з прадпрыемстваў, ацэньваецца у 682 млн. 510 тыс. рублёў, другому — амаль у 6 млрд.

У верасні 2007 — красавіку 2008 гадоў махляр рэалізаваў двум суб’ектам гаспадарання металапрадукцыю сваіх прадпрыемстваў па завышаных цэнах. Пры гэтым у пастаўках сыравіны і пераводзе грашовых сродкаў для яе аплаты ўдзельнічаў цэлы шэраг ілжэпрадпрымальніцкіх структур.

Зараз у следства ёсць усе падставы лічыць, што непасрэднае пасобніцтва ў рэалізацыі злачыннага намеру бізнесмена было аказана шэрагам зацікаўленых супрацоўнікаў пацярпелых прадпрыемстваў. У дачыненні да гэтых работнікаў распачаты справы на падставе ч. 3 арт. 424 Крымінальнага кодэкса (злоўжыванне ўладай і службовымі паўнамоцтвамі). Сам жа фігурант праходзіць па ч. 4 арт. 209 КК.

БелаПАН

0
Бельскi / Адказаць
19.08.2009 / 19:28
Сорамна. Выдатны ўзор саўковай журналістыкі, тоеснай шэльмаванню. Віншую НН, даказалі, што і вам не "слабо" апусьціцца "ніжэ плінтуса". Нейкаму беламу пану паведамілі ва УУС, а вы як дуракі падхапілі. Гэтага паведамлення дастаткова, каб называць некага махляром? Быў суд? Быў прысуд? Ч. 4 арт. 209 КК - машэнства. Вы прывялі хоць прыклад машэнства? Можа махляр сабраў у пацярпелых грошы, а сам і не думаў пастаўляць ім ніякай прадукцыі? Гэта быў бы злачынны намер. Дык не ж, "рэалізаваў двум суб’ектам гаспадарання металапрадукцыю сваіх прадпрыемстваў па завышаных цэнах". I што тут злачыннага? Прадаць дорага - гэта не машэнства, гэта мастацтва. Хутчэй можна разглядзець злачынны намер у наезьдзе на бізнэсмэна. Калі хочаце некага "разаблачыць", то здабудзьце факты, журналісты-прафесіяналы. А так выглядае, як перабрэх. Сорамна.
Каб пакінуць каментар, калі ласка, актывуйце JavaScript у наладах свайго браўзеру