19.08.2009 / 17:08

Бэл: Гэта была ідэя Лукашэнкі - паказвацца на людзях з малодшым сынам 6

Еўрарадыё датэлефанавалася да Лондана і паразмаўляла з лордам Бэлам. Спачатку піяршчык сказаў, што сышоў у адпачынак, але потым згадзіўся расказаць нават пра тое, ці мае ён дачыненне да публічнасці малодшага сына прэзідэнта.

Еўрарадыё датэлефанавалася да Лондана і паразмаўляла з лордам Бэлам. Спачатку піяршчык сказаў, што сышоў у адпачынак, але потым згадзіўся расказаць нават пра тое, ці мае ён дачыненне да публічнасці малодшага сына прэзідэнта.

Еўрарадыё: Скажыце, гэта праўда, што Вы больш не будзеце супрацоўнічаць з нашай краінай?

Лорд Бэл: Кантракт спачатку быў разлічаны толькі на 12 месяцаў, а яны скончыліся. Нельга сказаць, што ён скончыўся раней за планаваны тэрмін, што мяне звольнілі. На самай справе ўсё вельмі проста, кантракт проста скончыўся.

Еўрарадыё: А ці збіраецеся Вы яшчэ калі‑небудзь наведаць нашу краіну?

Лорд Бэл: Магчыма нават не адзін, а некалькі разоў.

Еўрарадыё: Можа акурат на адпачынак?

Лорд Бэл: Я магу прыехаць як для бізнес‑спраў, так і для ўласнага задавальнення.

Еўрарадыё: Думаю, што беларусы былі б не супраць, калі б Вы нават і яшчэ раз згадзіліся супрацоўнічаць з Беларуссю…

Лорд Бэл: Ведаеце, я павінен сказаць вам: меркаванне, што кантракт з Беларуссю яшчэ існуе — гэта памылка. На гэта няма доказаў. Я сказаў Вам праўду, кантракт быў разлічаны на 12 месяцаў, апошнім месяцам быў жнівень, а ўся іншая інфармацыя пра гэта ўжо з’яўляецца канфідэнцыяльнай.

Еўрарадыё: Канешне, разумеем. Мы хацелі б толькі падзякаваць Вам за працу — імідж нашай краіны сапраўды змяніўся за гэты год.

Лорд Бэл: Дзякуй вам!

Еўрарадыё: У нас яшчэ толькі адно пытанне. Скажыце, гэта Вы параілі нашаму прэзідэнту паказвацца на публіцы з маленькім сынам?

Лорд Бэл: Я ўвогуле не маю ніякага дачынення да гэтага. Я ніколі не раіў такога, гэта была яго ідэя.

Ганна Балаховіч, Еўрарадыё

Глядзі таксама:
Кантракт з Бэлам скончыўся

0
Вушы вянуць / Адказаць
19.08.2009 / 23:02
"Еўрарадыё: Канешне, разумеем. Мы хацелі б толькі падзякаваць Вам за працу — імідж нашай краіны сапраўды змяніўся за гэты год." Ну і на халеру нам такое Еўрарадыё?!
0
завялі вушы / Адказаць
20.08.2009 / 14:04
прапаную разарваць кантракт і з Еўрарадыё, вярнуць краіне былы імідж. Ну і на халеру нам такая Еўропа?!
0
Мазэпа / Адказаць
20.08.2009 / 14:12
Няхай вашыя вушы і надалей стаяцьстарчаком! Ну трэба ж было нешта сказаць прыемнае для Яго вушэй, каб той разгаварыўся.І-і-эх Вы, псыхоляг!
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру