19.08.2009 / 18:09

Жалобная выправа ў Катынь 4

23 жніўня (нядзеля). Да 70-х угодкаў Пакту Молатава – Рыбентропа.

Шэраг грамадскіх арганізацый Беларусі, Рух «За Свабоду», Беларускае добраахвотнае таварыства аховы помнікаў гісторыі і культуры, Саюз палякаў Беларусі, Беларускае Шуманаўскае Таварыства, аргкамітэт па стварэнні Руху «Разам», плануюць адзначыць Еўрапейскі дзень ахвяраў таталітарных рэжымаў, усталяваны ПА АБСЕ на 23 жніўня,

жалобнай выправай у Мемарыяльны Комплекс «Катынь»

— месца апошняга спачыну каля 15 тысяч ахвяраў савецкага рэжыму розных нацыянальнасцяў — палякаў, беларусаў, рускіх, украінцаў і інш.

У праграме выправы:

— наведванне Польскіх вайсковых могілак з магіламі тысяч ваеннапалонных афіцэраў Войска Польскага, расстраляных паводле загаду Сталіна;

‑ наведванне пахаванняў савецкіх грамадзян — ахвяраў рэпрэсій 1928‑1938 гг., вязняў турмаў і канцлагероў Смаленска і ваколіцаў;

‑ ускладанне жалобных кошыкаў і вянкоў ад грамадскіх арганізацый Беларусі да памятных манументаў Мемарыяльнага Комплексу.

Выезд з Мінска: 23.08.2009 (нядзеля) у 8.00. Пачатак цырымоніі ў «Катыні» — каля 14.00.

Тэлефон для кантактаў у Беларусі: +375 29 652 00 86.

Адрас Мемарыяльнага Комплексу «Катынь»: Смаленскі р‑н., пас. Гнездава, урочышча «Козьі горы» (18 км. на Захад ад Смаленска, злева ад шашы Смаленск — Віцебск).

0
Mike Vaza / Адказаць
21.08.2009 / 14:38
Але палякі мусяць прызнаць этнічныя чысткі,што чыніла Армія Краёва ў Заходняй Беларусі.
0
Крывіч / Адказаць
21.08.2009 / 16:48
Пікет у Дзень Памяці ахвяраў сталінізму й нацызму Парлямэнцкая Асамблея АБСЭ ўхваліла рэзалюцыю «Пра аб’яднаньне падзеленай Эўропы: абарона правоў чалавека й грамадзянскіх свабодаў у XXI стагодзьдзі ў рэгіёне АБСЭ». У рэзалюцыі АБСЭ асуджаюцца й сталінізм, і нацызм, як рэжымы, якія характарызуюцца генацыда і злачынствамі супраць чалавечнасьці. АБСЭ прапануе зрабіць 23 жніўня, калі быў падпісаны пакт Молатава-Рыбэнтропа Днём памяці ахвяраў сталінізму й нацызму, каб прадухіліць зьяўленьне нэанацыстоўскіх і іншых таталітарных рэжымаў. З гэтае нагоды БЭЗам плянуецца правядзеньне інфармацыйнага пікету ў цэнтры Брусэлю. Мерапрыемства мае распачацца 23 жніўня а 14 гадзіне на Beursplein, (ст. мэтро Beurs) Актывісты Беларуска-Эўрапейскага Задзіночаньня заклікаюць беларусаў ва ўсім сьвеце падтрымаць прапанову АБСЭ па ўшанаваньню памяці ахвяраў злачынных рэжымаў і праінфармаваць жыхароў сваіх краінаў аб небясьпецы, якая зыходзіць ад дыктатарскіх рэжымаў.
0
Neo / Адказаць
21.08.2009 / 17:53
Пакт Молотова-Рибентропа - выдающееся достижение советской дипломатии и н не надо тут разводить всякие сопли! Выйдите на улице и спросите у людей как они относятся к Совескому Союзу.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру