21.08.2009 / 12:51

Лукашэнка плануе візіт ва Украіну 1

Таксама не выключаны сёлета прыезд Віктара Юшчанкі ў Беларусь.

Да канца гэтага года плануецца афіцыйны візіт Аляксандра Лукашэнкі ва Украіну, паведаміў пасол Украіны ў Беларусі Ігар Ліхавы 21 жніўня на прэс‑канферэнцыі ў Мінску.

«Не магу назваць дакладную дату, але мы рыхтуемся да афіцыйнага візіту беларускага прэзідэнта. Трэба вырашыць шэраг пытанняў», — сказаў пасол.

Ліхавы таксама не выключыў, што сёлета можа адбыцца візіт прэзідэнта Украіны Віктара Юшчанкі ў Беларусь.

Адпаведнае запрашэнне беларускага боку атрымана прэзідэнтам Украіны, паведаміў дыпламат.

Ліхавы нагадаў, што прэзідэнты Лукашэнка і Юшчанка ўжо двойчы сустракаліся на працягу гэтага года. «Кантакты на вышэйшым узроўні будуць працягвацца», — сказаў ён.

БелаПАН

0
Кнехт / Адказаць
21.08.2009 / 20:23
І пачнуць яны сябраваць супраць ... каго?
Каб пакінуць каментар, калі ласка, актывуйце JavaScript у наладах свайго браўзеру