У Браславе прайшла цырымонія каранавання папскімі каронамі абраза Божай Маці Ўладркі Азёр. Гэты абрад з'яўляецца ў каталіцкай царкве прызнаннем цудатворнасці іконы.
У Браславе прайшла цырымонія каранавання папскімі каронамі абраза Божай Маці Уладычыцы Азёр. Гэты абрад з'яўляецца ў каталіцкай царкве прызнаннем цудатворнасці іконы.
Згодна з гістарычнымі сведчаннямі, абраз Божай Маці Уладычыцы Азёр калісьці знаходзіўся ў грэка-каталіцкім кляштары, які ў 1832 годзе згарэў ад удару маланкі. Цудоўным чынам абраз захаваўся і ўжо больш за сто гадоў знаходзіцца ў браслаўскім касцёле Нараджэння Найсвяцейшай Панны Марыі. Абраз Божай Маці Браслаўскай стаў першай каранаванай іконай у Віцебскай вобласці і сёмай — у Беларусі. Раней пацверджанне сваёй цудатворнасці атрымалі шэсць абразоў: Маці Божай Берасцейскай (1996 год), Маці Божай Будслаўскай (1998), мінскі абраз Беззаганнага Зачацця Божай Маці (2005), Маці Божай Кангрэгацкай ў фарным касцёле Гродна (2005), Маці Божай Гудагайскай (2007), Божай Маці Тракельскай (2009).
Каранацыя прайшла на часовым алтары, выбудаваным у форме карабля даўжынёй 32 метры, устаноўленым у двары браслаўскага касцёла. Побач з алтаром на невялікай яхце пад белымі ветразямі быў устаноўлены абраз, упрыгожаны вянком з белых лілей. Сам алтар быў увенчаны мачтай у выглядзе крыжа вышынёй 22 метры. На алтары знаходзіўся хор, малітоўныя песнапенні якога суправаджалі цырымонію.
Боскую літургію і абрад каранацыі ўзначаліў ксёндз-кардынал Йахім Майснер, мітрапаліт Кёльнскі. Перад абрадам каранацыі ён прачытаў пропаведзь, якую з нямецкай мовы вернікам пераклалі на беларускую.
На плошчы каля касцёла, па розных ацэнках, сабралася ад пяці да дзесяці тысяч чалавек з розных гарадоў Беларусі і шэрагу іншых краін. Многія паломнікі прыйшлі пакланіцца браслаўскай святыні пехатой. На цырымоніі прысутнічалі паслы і прадстаўнікі дыпламатычных місій Індыі, Вялікабрытаніі, Германіі, ЗША, Славакіі, Польшчы, каля 30 іерархаў каталіцкай царквы з 11 краін (Беларусі, Расіі, Украіны, Польшчы, Літвы, Латвіі, Германіі, Італіі, Славакіі, Вялікабрытаніі, ЗША), а таксама прадстаўнікі Грэка-каталіцкай і Рускай праваслаўнай цэркваў.
Залатыя кароны, вырабленыя ў Кракаве, былі надзетыя спачатку на Ісуса, а потым на Божую Маці. Пасля гэтага біскуп Віцебскі Уладзіслаў Блін учыніў акт пасвячэння Віцебскай дыяцэзіі пад апеку Божай Маці Браслаўскай, пасля чаго абраз размясцілі высока над алтаром-яхтай для ўсеагульнага агляду.
Пасля цырымоніі вернікі з розных краін паднеслі ахвярныя дары абразу. Сярод іх былі залаты ружанец, некалькі залатых чашаў, расшытыя абрусы для алтара, партрэты папы рымскага Яна Паўла ІІ, абразы, свечкі.
Завершыцца цырымонія ўрачыстым перанясеннем каранаванага абраза ў галоўны алтар касцёла Нараджэння Найсвяцейшай Панны Марыі.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары