31.08.2009 / 10:57

Пад Докшыцамі адбудавалі старадаўнюю капліцу + фоты даслана чытачом 13

26 жніўня біскуп віцебскі Уладзіслаў Блін нанова асвяціў каплічку на былой сядзібе Козел‑Паклеўскіх у Гняздзілаве.

26 жніўня біскуп віцебскі Уладзіслаў Блін нанова асвяціў каплічку на былой сядзібе Козел‑Паклеўскіх у Гняздзілаве.

Так было...

...а гэтак стала.

Урачыстасць асвячэння.

Капліца выконвала функцыю пахавальнага склепа Шышкаў і Козел‑Паклеўскіх. Мясцовыя старажылы распавядалі, што там стаялі чатыры труны: тры вялікія і адна маленькая. Сапраўднае дзікунства было зроблена студэнтамі‑камсамольцамі ў камуністычныя часы. Усе труны былі ўскрытыя і потым плавалі па возеры. Студэнтамі капліца выкарыстоўвалася як склад для спартовага інвентару. А потым яна ўвогуле прыйшла ў запусценне.

Намаганнямі пробашча докшыцкай парафіі Св. Тройцы а. Марка OFMCap капліца пачала абуджацца ад доўгага сну. Распачалася поўная рэканструкцыя. Быў зроблены новы бліскучы купал, пакладзена новая падлога, адрамантавана столь. Таксама побач з капліцай з’явілася фігурка Маці Божай, да якой мясцовыя жыхары прыходзілі і прыходзяць маліцца. Асабліва праца кіпела ў апошнія дні. Амаль кожны дзень каля капліцы працавалі мясцовыя жыхары, а таксама вернікі докшыцкага касцёла.

Мне самому давялося папрацаваць у Гняздзілаве і магу сказаць, што справа нялёгкая. Даволі часта прыязджалі людзі з розных куточкаў Беларусі да сваіх родных і абавязкова заходзіліся паглядзець на новае жыццё капліцы.

І вось маленні вёскі Гняздзілава былі пачутыя: наступіў святочны дзень пасвячэння капліцы. Вернікі докшыцкай парафіі св. Тройцы зладзілі пілігрымку на чале з а. Маркам, каб падараваць абраз Езуса Міласэрнага (мастак В. Шчасны) адроджанай капліцы. 26 жніўня гняздзілаўчане запомняць назаўсёды: Яго Экселенцыя біскуп Уладзіслаў Блін асвяціў адроджаны Божы Дом. Святая Імша, якую цэлебраваў біскуп, сабрала шмат людзей, сярод якіх былі запрошаныя дыпламаты з польскага консульства.

Ад жыхароў Гняздзілава гучалі словы падзякі а. Марку за аднаўленне святыні, ксяндзу‑біскупу за малітвы, працаўнікам за іх самаадданасць у справе рамонту. Таксама гучалі словы надзеі на духовае адраджэнне вёскі.

Адметным момантам урачыстасці сталася ўручэнне падзяк з рук Яго Экселенцыі тым людзям, якія паспрыялі адраджэнню капліцы. Сярод іх мастак і архітэктар Валерый Шчасны, працаўнікі, вернікі, якія дапамагалі матэрыяльна, дырэктар мясцовага калгасу і інш. Імша, якая пачалася а 19.00, скончылася позна вечарам, людзі разыходзіліся і раз’язджаліся з усмешкамі і словамі радасці: нарэшце адбылося! Дык няхай жа святыня служыць жыхарам Гнязділава толькі на славу Божую!

Павал Малюжанец, Докшыцы; фота Кастуся Шыталя і Catholic.by

Хочаш падзяліцца важнай інфармацыяй ананімна і канфідэнцыйна?

0
Янка / Адказаць
31.08.2009 / 11:32
А навошта дрэвы павысеквалі?? Эх, чаму ў нас так заўжды... Вунь, пад Наваградкам крыніца ёсьць. То там праваслаўная царква спачатку крыж паставіла, а пасьля збудавала купель (у капліцы). То калі гэта рабілі, павысеквалі вакол рэчачкі, што ад тае крыніцы, даволі шмат дрэваў (хоць нельга), і засыпалі адгалінаваньне рэчкі, паклаўшы пад насып трубу. Але паколькі трубу паклалі завысока, ў адрэзаным кавалку рэчкі пачала цьвісьці вада, і тое самае пачалося на камянях, празь якія крынічка цячэ. У выніку вада, якая стаяла дома і не псавалася колькі заўгодна, пачала сьмярдзець праз дзень-два. Ці гэта боская справа?..
0
Кастусь / Адказаць
31.08.2009 / 13:04
Зрабілі як заўсёды - па=калхознаму - абы красіва было
0
33-ці / Адказаць
31.08.2009 / 13:40
2 Янка У мяне па прагляду фатаздымкаў абсалютна тыя ж уражаньні: нашто было дрэвы чапаць!?
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру