Судзьдзя Валеры Есьман асудзіў Кацярыну Вінаградаву (справа) на 10 сутак, Мікалая Збарашэнку (зьлева) на 15 сутак.
Фота Юліі Дарашкевіч
У другой палове дня ў сераду 26 ліпеня ў судзе Цэнтральнага раёну Менску адбыўся разгляд справы двух грамадзянаў Расеі, актывістаў расейскага моладзевага руху «Абарона» Мікалая Збарашэнкі і Кацярыны Вінаградавай. Маладых людзей затрымалі 23 ліпеня ля расейскага пасольства ў Менску, калі яны спрабавалі разгарнуць транспарант са словамі «Россия – без Путина, Беларусь – без Лукашенко».
Судзьдзя Валеры Есьман асудзіў Кацярыну Вінаградаву на 10 сутак, Мікалая Збарашэнку на 15 сутак.
Пакараньне маладыя людзі маюць адбываць у спэцпрыёмніку-разьмеркавальніку на Акрэсьціна.
0
0
0
0
0
0
