6‑7 верасня адбудзецца рабочы візіт у Мінск міністра замежных справаў Славакіі Міраслава Лайчака. Разам з ім таксама ў Беларусь прыедуць прадстаўнікі славацкіх дзелавых колаў.
Цягам візіту павінны абмяркоўвацца пытанні ў гандлёва‑эканамічных і інвестыцыйных сферах, а таксама ўзаемадзеянне Беларусі з Еўрасаюзам. 7 верасня адбудзецца беларуска‑славацкі дзелавы форум, дзе будзе прысутнічаць кіраўніцтва Міністэрства эканомікі РБ.
Таксама ў гэты дзень запланаванае адкрыццё ў Нацыянальным музеі выставы славацкіх мастакоў‑прымітывістаў з Сербіі. А 12:05 будзе падыход да прэсы Міраслава Лайчака і ягонага беларускага калегі Сяргея Мартынава.
0
0
0
0
0
0