09.09.2009 / 12:41

Літоўскія СМІ: Лукашэнка прыедзе ў Вільню 16 верасня 4

Па дадзеных крыніцы тэлебачання Lietuvos ryto, ужо ўзгоднены візіт кіраўніка Беларусі Аляксандра Лукашэнкі ў Літву.

Па дадзеных крыніцы тэлебачання Lietuvos ryto, ужо ўзгоднены візіт кіраўніка Беларусі Аляксандра Лукашэнкі ў Літву. У Вільню ён павінен прыехаць у сераду, 16 верасня.
Міністр замежных спраў Вігаўдас Ушацкас сказаў тэлебачанню, што, магчыма, гэты візіт дасць магчымасць падпісаць не толькі дамовы аб палягчэнні візавага рэжыму ў прымежнай зоне.

«Мы спадзяемся, што дамовімся разам з Польшчай аб агульным пункце мяжы, які яшчэ дакладна не зацверджана трыма краінамі. Самае важнае, на што мы спадзяемся — гэта новая старонка і новыя магчымасці, якія адкрыюцца перад літоўскімі прадпрымальнікамі, Клайпедскім портам падчас эканамічнага крызісу. Мы таксама хочам, каб у Беларусі былі бяспечныя, стабільныя і надзейныя ўмовы для вядзення бізнесу, а грамадзянам Беларусі далі магчымасць прыязджаць у Друскінікі, Вільні або Палангу і траціць тут свае грошы «, — сказаў міністр.

Па словах міністра, кіраўніка Беларусі выбіраюць грамадзяне гэтай краіны: «Мы пакідаем за імі права ацэньваць, якога прэзідэнта яны хочуць і які лад. Я сам ужо 15 гадоў сустракаюся з дэмакратычнай беларускай апазіцыяй і працягваю гэта рабіць. Мы будзем падтрымліваць тых людзей, якія хочуць жыць, як мы. З іншага боку, мы будзем гаварыць і павінны размаўляць з тымі, хто знаходзіцца ля ўлады «, — адзначыў В. Ушацкас.

Міністр не ўзяўся меркаваць, ці вінаваты А. Лукашэнка ў знікненні грамадзянаў Беларусі, сказаўшы, што не з’яўляецца суддзёй або пракурорам, таму не можа агучваць такія заявы.

Нагадаем, што 16 верасня ў Вільні пройдзе Беларуска‑літоўскі эканамічны форум.

0
60 эўра - жырнавата / Адказаць
09.09.2009 / 13:00
грошы вядуць рэй!
0
Зважай! / Адказаць
09.09.2009 / 13:12
Мы таксама хочам, каб у Беларусі былі бяспечныя, стабільныя і надзейныя ўмовы для вядзення бізнесу, - А як гэтага хочам мы!
0
Валодзя / Адказаць
09.09.2009 / 14:24
Жамойты як былі ляснымі дзікунамі, гэтак імі і засталіся.. нават у Эўразьвязе.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру