09.09.2009 / 17:38

Як назавуць новую кааліцыю правых сіл? 17

Лідэр Партыі БНФ Аляксей Янукевіч выказаў прапанову ўтварыць нацыянальную правацэнтрысцкую кааліцыю. НН апытала палітыкаў, якую назву магла б атрымаць новая кааліцыя?

Новаабраны лідэр партыі БНФ Аляксей Янукевіч выказаў прапанову стварыць правацэнтрысцкую кааліцыю нацыянальна‑патрыятычных дэмакратычных сілаў. У складзе магчымай кааліцыі ён бачыць БНФ, Хрысціянскую Дэмакратыю, Рух за свабоду і іншыя патрыятычныя арганізацыі. Карэспандэнт «Нашай Нівы» апытала палітыкаў, якую назву, на іх думку, павінна атрымаць новая кааліцыя.

Ігар Лялькоў, намеснік старшыні Партыі БНФ:

Найбольш прыгожая назва для такой кааліцыі — «Патрыятычныя». Гэтым словам усе сказана.

Павал Севярынец, сустаршыня аргкамітэту Беларускай Хрысціянскай Дэмакратыі:

Назва нічога не вырашае. Галоўнае стварыць кааліцыю, а наступным крокам будзем прыдумляць назву. Я б назваў «Бел‑чырвона‑белыя» — гэта якраз тое, што мы ўсе ёсць.

Юрась Губарэвіч, намеснік старшыні Руху за Свабоду:

Я думаю «Рух у Еўропу» можна назваць, альбо яшчэ лепш «Беларускі рух у Еўропу». Думаю адзін з накірункаў працы кааліцыі можа быць Еўрапейскі выбар Беларусі.

Наста Палажанка, сяброўка Маладога Фронту:

Думаю напачатку трэба падумаць над сутнасць кааліцыі, а не над назвай. Калі гэта будзе проста «правацэнтрысцкі блок» — для размытых беларускіх рэаліяў будзе нармалёва.

Сяржук Семянюк, сябар Моладзі БНФ:

Пажадана, каб у назве слова правацэнтрысцкая засталося. Таму мая прапанова — «Правацэнтрысцкая кааліцыя» ці можна прасцей «Правая кааліцыя».

Алесь Міхалевіч, палітык:

Цікавае пытанне. Я думаў ужо над тым, як яе будуць называць. Мая прапанова — «Заўтра Беларусі».

Апытвала Настасся Шамрэй

0
Вінцук / Адказаць
09.09.2009 / 18:40
Як у Караткевіча - "Згода".
0
Кот / Адказаць
09.09.2009 / 18:51
Прапаную: НКПС (Новая Каал iцыя Правых Сiл): "Лiпкiя ручкi - наiўныя авечкi"
0
Цукар / Адказаць
09.09.2009 / 18:56
Прасiлы -- правыя сiлы. Правакал -- правая каалiцыя. Працэдзiм -- правыя цэнтрысты, дэмакраты i моладзь.
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру