14.09.2009 / 17:19

Чарговая справа супраць былога кіраўніка ААТ «Гомельшкло» 2

Юрыя Ільева вінавацяць у нанясенні шкоды прадпрыемству ў сотні тысяч даляраў.

Юрыя Ільева вінавацяць у нанясенні шкоды прадпрыемству ў сотні тысяч даляраў.

КДБ Гомельскай вобласці распачаў другую крымінальную справу ў дачыненні былога гендырэктара ААТ «Гомельшкло Юрыя Ільева. Гэта стала вынікам праверкі, якая выявіла факты злоўжывання службовымі паўнамоцтвамі, паведаміла БЕЛТА.

У маі мінулага года Ільеў быў затрыманы супрацоўнікамі КДБ падчас атрымання хабару. Паводле дадзенага факту распачалі крымінальную справу.

Апошняя праверка прадпрыемства выявіла факты, якія ўказваюць на злоўжыванне службовымі паўнамоцтвамі з боку былога гендырэктара. У парушэнне дамоваў на арэнду будаўнічых машын, што былі заключаныя з адной з гомельскіх фірмаў, таварыства заплаціла лішніх 174,7 млн рублёў. Акрамя таго, прадпрыемства неабгрунтавана спісала запазычанасць украінскіх камерцыйных структур з прычыны пераацэнкі абавязацельстваў. У выніку ў краіну не паступіла экспартная выручка, а прадпрыемству «Гомельшкло» нанесеная шкода ў 287,7 тысячаў даляраў.

ВЖ

0
З Гомеля / Адказаць
14.09.2009 / 21:22
А што каментаваць - цалкам заказная справа. Гэтак жа, як з Бароўскім і шмат кім іншым. Гомельская пракуратура выконвае заказ. Іллёў перашкаджаў перадачы Гомельскага шклозавода ў рукі "аўстрыйскага" СП "Атэк", быў супраць будаўніцтва на яго тэрыторыі цэха-філіяла Ялізаўскага шклозавода, якім кіруе Мураўёў. Мураўёў атрымаў ад прэзідэнта прэзент у выглядзе Ялізаўскага шклозавода, Мінскага велазавода, атрымае і Гомельскі шклозавод. Ніхто гэтаму не перашкодзіць. Такая метода працы ў "сяброў". Ведаюць, што за дырэктараў заступіцца няма каму. Зараз хабар - звычайны метад расквітацца з канкурэнтам, без перашкод прыбраць к рукам вытворчасць. А быў той хабар ці не - аднаму Богу вядома. Прынёс пачак долараў, паклаў на стол дырэктару і можна ўрывацца міліцыянтам. Як у галівудскіх баевіках... А урону я магу налічыць на кожным прадпрыемстве. Калі захачу. Чаму Мураўёў не працягнуў пашыраць Ялізаўскі шклозавод, не стварыў тут вельмі важныя для Асіповіцкага раёна працоўныя месцы, а палез у Мінск і Гомель цяпер становіцца ясным і зразумелым. Так на Беларусі бяскроўна ідзе прыватызацыя. А Іллёва шкада, харошы чалавек. Прадпрыемства вывеў у лідэры, на прадпрыемстве яго любілі і любяць.
0
магадан / Адказаць
14.09.2009 / 22:08
шкада, столькі за эканоміку сядзіць сапраўды талковых гаспадароў. а адкаты... яны і ў амерыцы адкаты.
Каб пакінуць каментар, калі ласка, актывуйце JavaScript у наладах свайго браўзеру