17.09.2009 / 19:08

Еўрасаюз выказаў заклапочанасць разгонам мірнай дэманстрацыі ў Мінску + фота 8

прымеркаванай да 10-годдзя знікнення палітыка Віктара Ганчара і бізнесмена Анатоля Красоўскага.

прымеркаванай да 10-годдзя знікнення палітыка Віктара Ганчара і бізнесмена Анатоля Красоўскага.

Алеся Сцепаненку збілі 16 верасня ў РУУС Цэнтральнага раёну . Фота belhelcom.org

Старшыня Еўрасаюза Швецыя выказала заклапочанасць у сувязі з разгонам мірнай дэманстрацыі 16 верасня ў Мінску, прымеркаванай да 10-годдзя знікнення палітыка Віктара Ганчара і бізнесмена Анатоля Красоўскага.

У заяве ад 17 верасня ўтрымліваецца заклік да беларускіх уладаў устрымацца ад прымянення сілы адносна мірных дэманстрантаў і забяспечыць магчымасць журналістам выконваць свае абавязкі.

Старшынства заклікала афіцыйны Мінск прадоўжыць работу над паляпшэннем у галіне дэмакратыі і выканання правоў чалавека.

Увечары на Кастрычніцкай плошчы Мінска было затрымана прыкладна 35 актывістаў апазіцыі, якія мелі намер правесці акцыю з нагоды 10-годдзя знікнення Ганчара і Красоўскага. Удзельнікі акцыі сталі на краю плошчы ўздоўж праспекта Незалежнасці ў ланцуг з партрэтамі зніклых. Практычна адразу ж удзельнікаў акцыі блакіравалі супрацоўнікі міліцэйскага спецназа, адгарадзіўшы іх ад праезнай часткі праспекта. З прымяненнем сілы дэманстрантаў заштурхалі ў міліцэйскія аўтобусы і даставілі ў РУУС Цэнтральнага раёна. Сярод затрыманых былі Мікалай Статкевіч, Сяргей Скрабец, Яўген Афнагель.

Міліцыя таксама перашкаджала журналістам праводзіць фота- і відэаздымку.

Беларускі Хельсінкскі камітэт у распаўсюджанай 17 верасня заяве паведамляе, што ў міліцыі дэманстрантаў «збівалі, катавалі (іх ставілі на «расцяжку», г.зн. калі ногі расстаўлены максімальна шырока) і зневажалі (прапановы гомасексуальнага характару, адразанне валасоў); у іх адрас пастаянна гучала нецэнзурная лаянка».

Напярэдадні акцыі, 15 верасня старшыня Аб'яднанай грамадзянскай партыі Анатоль Лябедзька звярнуўся з лістом да міністра ўнутраных спраў Анатоля Куляшова, у якім заклікаў органы правапарадку не перашкаджаць правядзенню мерапрыемстваў, прымеркаваных да 10-годдзя знікнення Ганчара і Красоўскага. «Я заклікаю міліцыю і спецслужбы ўстрымацца ад прымянення фізічнай сілы ў дачыненні да мірных удзельнікаў акцый, якія будуць праходзіць 16 верасня не толькі ў Мінску, але і ў многіх іншых гарадах Беларусі», — заявіў Лябедзька. Пры гэтым ён падкрэсліў, што «ў многіх еўрапейскіх сталіцах у гэты дзень будуць уважліва сачыць за падзеямі ў Беларусі, таму што пытанне палітычных знікненняў не знята з еўрапейскага парадку дня».

БелаПАН

Хочаш падзяліцца важнай інфармацыяй ананімна і канфідэнцыйна?

0
Кот / Адказаць
17.09.2009 / 19:10
Дзіцячы садок № 5 у Глыбокім заставаўся апошняй беларускамоўнай дашкольнай установай. Але бацькам паведамілі, што з гэтага тыдня “беларускую мову адмянілі”. Глыбачанка спадарыня Іна абураная: унучку знарок аддавалі ў беларускамоўны садок, а цяпер 5-гадовая дзяўчынка мусіць перавучвацца і размаўляць з выхавацелькамі па-расейску: нельга сказаць “дзякуй” ці “да пабачэньня”, толькі “спасибо” і “до свидания” ... “Я прыходжу па дзіця, а выхавацелька кажа: усё, мы пераходзім на расейскую мову. А садок лічыцца беларускім, і вось цяпер яны дзяцей калечаць. Усе кніжкі ў іх па-беларуску, а размаўляць будуць па-расейску. Ну як такое можа быць? Ужо нельга сказаць “дзякуй” ці “да пабачэньня”, толькі “спасибо” і “до свидания”. Я сказала ім : “Мая ўнучка як гаварыла, так і будзе гаварыць!” http://www.svaboda.org/content/article/1824978.html
0
Кнехт / Адказаць
17.09.2009 / 20:35
"Грантасмокі" байструка збіваюць да гематом на твары беларускую моладзь! Каму выдзяляе "гранты" МВФ?! Падпітаныя "грантамі" МВФ міліцыянты, збіваюць беларускую моладзь. На грошы МВФ збіваюць беларускую моладзь! Міжнародны Валютны Фонд збівае беларускую моладзь, кормячы цэрбераў лукашэнкі...
0
2 Кнехт / Адказаць
17.09.2009 / 21:04
Усё проста. Вось вы Кнехт вазміце уладу, і грантамі МВФ будуць вас кармць, замест Лукі, нават з большым задавальненнем.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру