18.09.2009 / 13:20

Бенедыкт XVI у 2010 годзе прыедзе ў Беларусь? 18

Кс. Аляксандр Амяльчэня: «Беларусь вельмі чакае Папу».

У планах Папы Бенедыкта XVI на 2010 год пазначаны магчымы прыезд у Беларусь.

У красавіку 2009 г. Бенедыкт XVI сустрэўся з Лукашэнкам у Ватыкане.

Каталіцкая інфармацыйная агенцыя КАІ апублікавала, што ў маршрутах Папы на 2010 год значыцца Мальта, Вялікабрытанія, Германія, а таксама Беларусь ці Партугалія.

На пытанне «Нашай Нівы», ці насамрэч Бенедыкт XVI плануе ў 2010 годзе наведаць нашу краіну, адказны за сувязі з СМІ пры Сакратарыяце Канферэнцыі Каталіцкіх Біскупаў у Беларусі ксёндз Аляксандр Амяльчэня адказаў:

«Дакладна можна сказаць толькі адно: Беларусь вельмі чакае Папу. Каталіцкі Касцёл у Беларусі з радасцю ўспрыме гэтую навіну, калі яна пацвердзіцца».

Пакуль невядома, на карысць якой краіны зробіць свой выбар Бенедыкт XVI. З аднога боку — Партугалія з храмам у Фаціме, чацвертым па велічыні ў каталіцкім свеце. Гэты храм Бенедыкт XVI збіраецца наведаць ужо даўно. З іншага боку — Беларусь і Аляксандар Лукашэнка, які ўжо не раз выказваўся пра жаданне арганізаваць сустрэчу Папы Бенедыкта XVI і Патрыярха Маскоўскага Кірыла.

«Як сказаў Папа, калі Гасподзь адчыніць гэтыя дзверы, то сустрэча адбудзецца. І ў гэтым выпадку Беларусь прапануе сябе месцам гэтай сустрэчы», — зазначыў кіраўнік дзяржавы ў красавіку 2009 г., пасля сустрэчы з Бенедыктам XVI у Ватыкане.

Настасся Шамрэй

0
Андрэй Войслаў Мікалаеў-Пашкевіч / Адказаць
18.09.2009 / 16:26
«сімвалічным месцам спаткання праваслаўя і каталіцтва» — як і заўжды было — ё Вяліка Літва! Тама молімся ды чакайма сьвятого айца ў Менску.
0
Светски / Адказаць
18.09.2009 / 16:38
Дауно пара Папе прыехаць и благаславиць иснуючую уладу и як Кирауника, ци Папа личыць, што гэтая улада не ад Бога? Хай пакажа.
0
Ыга / Адказаць
18.09.2009 / 16:51
Збаўленьне прыйдзе з Масквы? У ЮА ды Абхахію яно ўжо прыйшло. А вось у Кітай яно мусіць прыйсьці зь Японіі, бо для кітайцаў там ё Ўсход. У Фатыме Марыя сказала, што пасьля падзеньня СССР будзе збаўленьне, калі людзі пакаяцца. А што зараз адбываецца "на Ўсходзе"? - СССР мутавала ў Пуцінскую Імпэрыю зла, з маскоўскім псэўда-праваслаўем на дапамозе
Паказаць усе каментары/ 18 /
Каб пакінуць каментар, калі ласка, актывуйце JavaScript у наладах свайго браўзеру