22.09.2009 / 13:16

Розум паляпшае сперму 11

Разумныя мужчыны больш сэксуальныя і прывабныя для жанчын, нават калі яны маюць не самы прыемны выгляд.

Разумныя мужчыны больш сэксуальныя і прывабныя для жанчын, нават калі яны маюць не самы прыемны выгляд.

Да такой высновы прыйшлі амерыканскія псіхолагі з Універсітэта Нью‑Мексіка, якія выступілі з адпаведным дакладам на канферэнцыі Асацыяцыі вывучэння паводзінаў жывёл, што праходзіла ў Оксфардзкім універсітэце.

У сваёй працы яны даследавалі 400 ветэранаў В’етнамскай вайны, якія прайшлі тэст на інтэлект і здалі сперму на аналіз. Выявілася, што больш якасная і здаровая сперма была ў тых удзельнікаў эксперыменту, якія паказалі лепшыя вынікі IQ‑тэсту.

Асноўны дакладчык, прафесар Джэфры Мілер, выказаў здагадку, што ў разумным мужчыну жанчына, незалежна ад яго знешнасці, бачыць выдатнага сэксуальнага партнёра, які дазволіць ёй нарадзіць здаровае дзіця.

Гэта важна, бо для жанчыны асноўная біялагічная задача заключаецца менавіта ў нараджэнні дзяцей.

Акрамя таго, Мілер мяркуе, што з часам у чалавеку развіваюцца такія рысы, як уменне прыгожа і правільна гаварыць, высокі інтэлект, пачуццё гумару і самаадданасць менавіта таму, што яны з’яўляюцца прывабнымі для процілеглага полу. Прычым гэта сцверджанне справядліва не толькі з пункту гледжання жанчыны, якая разглядае канкрэтнага мужчыну для будучага сумеснага жыцця, але таксама і з пункту гледжання мужчыны, які вывучае жанчыну.

0
stary / Адказаць
22.09.2009 / 13:18
Я так і думаў! Усё жыцьцё!
0
Scooter / Адказаць
22.09.2009 / 14:55
Дык мо якасьць спэрмы ў іх таму і лепшая, што разумнейшыя лепш сочаць за сваім здароўем, чым астатнія? А не праз сам факт высокага інтэлекту.
0
homosapiensha / Адказаць
22.09.2009 / 15:03
Варта ўлічыць, што вынікі даследванняў былі агучаныя на канферэнцыі Асацыяцыі вывучэння паводзінаў жывёл!
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру