31‑гадовая жыхарка Рэчыцы ўпала з восьмага паверху і засталася жывая, трапіўшы на балкон да суседзяў.
Як паведамілі БелаПАН у гомельскім абласным упраўленні МНС, 23 верасня жанчына ўпала са свайго балкона, размешчанага на восьмым паверсе. Пры гэтым яна ўпала на балкон сёмага паверху, разбіўшы яго шкленне. З парэзамі рук, ног і жывата жанчына была перададзена медыкам. Траўмаў, небяспечных для жыцця, пры падзенні яна не атрымала.
Як высветлілася, жанчына з сяброўкай выходзіла на свой балкон пакурыць. Нахіліўшыся наперад, яна страціла раўнавагу і перакулілася праз парэнчы. У МНС не могуць патлумачыць, як жанчына магла патрапіць на балкон і чаму яна не ўпала на зямлю.
0
0
0
0
0
0
