30.09.2009 / 16:10

63 працэнты беларусаў падтрымліваюць збліжэнне з ЕС 6

Інфармацыйна-аналітычным цэнтрам пры адміністрацыі кіраўніка Беларусі быў праведзены сацыялагічны маніторынг «Грамадская думка аб сацыяльна-палітычнай сітуацыі ў Рэспубліцы Беларусь».

Паводле яго вынікаў, пераважная колькасць беларускіх грамадзян -- 81,2% -- лічыць, што ў цяперашні час цеснае супрацоўніцтва з Расіяй больш за ўсё адпавядае інтарэсам нашай краіны. Акрамя Расіі беларусы хацелі б патрымліваць цесныя кантакты з краінамі Заходняй Еўропы - 35,8%, СНД - 27,7%, Украінай - 26,1%, Кітаем - 25,5%, а таксама краінамі Цэнтральнай і Усходняй Еўропы - 21,4%.

Значная частка насельніцтва Беларусі, амаль 43%, звязвае паляпшэнне сацыяльна-эканамічнай сітуацыі ў рэспубліцы з ўмацаваннем саюза з Расіяй. Разам з тым большасць беларусаў -- 62,9% -- ўпэўненыя, што актывізацыя кантактаў з Захадам адказвае інтарэсам краіны. Амаль чвэрць апытаных лічаць, што для паляпшэння сацыяльна-эканамічнай сітуацыі ў Беларусі неабходна пашыраць эканамічныя сувязі з заходнімі дзяржавамі.

АП, паводле БЕЛТА

0
Scooter / Адказаць
30.09.2009 / 16:25
"Разам з тым большасць беларусаў -- 62,9% -- ўпэўненыя, што актывізацыя кантактаў з Захадам адказвае інтарэсам краіны." -- гэта добра, бо сьведчыць, што кіраўніцтву краіны зараз сапраўды выгадна наладжваць кантакты з Захадам. А тут і "грамадзкая думка", аказваецца, гэта падтрымлівае ;)
0
пк / Адказаць
30.09.2009 / 17:38
цікава, калі з Расіяй -- 81%, з Украінай -- 25%, то што тады маецца на ў вазе пад "Усходняй Еўропай"(21,4%) ?
0
VadziA / Адказаць
30.09.2009 / 18:48
Ды хто б меў сумнеў, што беларусы адначасова хочуць мець ільготныя кошты на энэрґоносьбіты - з аднаго боку, ды заходнія інвэстыцыі - з другога... Пытаньне - ці атрымаецца? Ад гэтага злежыць будучыня йснага рэжыму...
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру