30.09.2009 / 19:06

Галоўная ахвяра ізаляцыі — народ Беларусі публікуецца на правах рэкламы 1

Што ЕС прапануе Беларусі, калі яна стане паўнапраўным удзельнікам палітыкі добрасуседства?

У Еўрапейскага Саюза асаблівыя адносіны са сваімі найбліжэйшымі суседзямі на ўсходніх і паўднёвых межах. Гэта завецца Еўрапейскай палітыкай добрасуседства. Праз гэтую палітыку ЕС падтрымлівае працэсы палітычных, эканамічных і сацыяльных рэформ у суседзяў. Што ж ЕС прапануе Беларусі, калі яна стане паўнапраўным удзельнікам палітыкі добрасуседства?

Спрошчанае наведванне беларускімі грамадзянамі краін-сябраў ЕС;

пашыранае трансмежнае супрацоўніцтва;

дапамога ў развіцці малога і сярэдняга прадпрымальніцтва і падрыхтоўка беларускіх прадпрыемстваў да працы на еўрапейскім рынку;

палепшыць сістэму аховы здароўя і адукацыі;

зрабіць дзяржаўнае і мясцовае кіраванне больш эфектыўным для лепшага аказання паслуг насельніцтву;

рэфармаваць прававую і судовую сістэмы з мэтай забеспячэння роўных правоў для ўсіх;

лепшыя эканамічныя магчымасці для Беларусі праз мадэрнізацыю транспартнай і энергетычнай сістэмы;

палепшыць стан навакольнага асяроддзя: якасць вады, утылізацыя выкідаў, падтрымка ў барацьбе з наступствамі Чарнобыльскай катастрофы;

беларускім студэнтам -- больш стыпендый для навучання ва ўніверсітах ЕС;

глыбейшыя эканамічныя і гандлёвыя сувязі і больш магчымасцяў для бізнэсу:

лепшы доступ для беларускіх прадуктаўда рынку ЕС;

Беларусь атрымала значна менш фінансавай дапамогі, чым яе суседзі. Але сітуацыя магла б змяніцца, калі б беларускія ўлады зрабілі крокі насустрач дэмакратызацыі.

Што ўрад Беларусі можа зрабіць

Палітыка, якая праводзіцца аўтарытарным рэжымам, не дазваляе ЕС прапанаваць Беларусі поўны ўдзел у палітыцы добрасуседства. Народ Беларусі - самая першая ахвяра ізаляцыі, навязанай яму афіцыйнай ўладай, але ён жа будзе першым, хто скарыстаецца перавагамі прапаноў для дэмакратычнай Беларусі.

ЕС прапануе палітычныя, эканамічныя і гандлёвыя магчымасці, таксама як і фінансавую дапамогу краінам, якія паважаюць правы чалавека, дэмакратыю і вяршэнства закона. Гэта каштоўнасці, якія Беларусь ужо прызнала як сябра ААН, АБСЕ, але якія беларускі ўрад на практыцы не паважае. Для пабудовы глыбейшых адносін, паміж ЕС і народам Беларусі, для спынення палітыкі самаізаляцыі, якую беларускі ўрад навязаў грамадзянам беларускім уладам трэба:

паважаць права народа Беларусі выбіраць сваіх лідэраў дэмакратычным шляхам;

паважаць права народа Беларусі на незалежную інфармацыю, дазваляючы журналістам працаваць без уціску, не зачыняючы газеты і не перашкаджаючы іх распаўсюду;

паважаць правы недзяржаўных арганізацый, як жыццёва важнай часткі здаровай дэмакратыі;

вызваліць усіх палітычных зняволеных;

расследаваць выпадкі са знікненнем людзей;

забяспечыць права беларусаў на незалежную і непрадузятую судовую сістэму;

спыніць адвольныя арышты і затрыманні, дрэннае абыходжанне з людзьмі;

паважаць правы і свабоды нацыянальных меншасцяў Беларусі;

паважаць правы беларусаў уступаць у прафсаюзы і права прафсаюзаў працаваць на абарону правоў людзей;

паважаць правы беларусаў як прадпрымальнікаў ажыццяўляць дзейнасць без празмернага ўмяшання ўлад;

далучыцца да адмены смяротнай кары ўслед за іншымі народамі Еўропы;

выкарыстаць падтрымку, якую АБСЕ, ЕС і іншыя арганізацыі прапаноўваюць Беларусі для дапамогі ў выконванні правоў сваіх грамадзян.

ЕС гатовы аднавіць свае адносіны з Рэспублікай Беларусь і яе народам, як толькі беларускі ўрад прадэманструе павагу да дэмакратычных каштоўнасцяў і асноўных правоў народа Беларусі.

0
klv / Адказаць
30.09.2009 / 19:51
Цудоўныя прапановы! І галоўнае-- для ўсіх беларусаў. І хай толькі Лукашэнка паспрабуе нам усё сапсаваць!
Каб пакінуць каментар, калі ласка, актывуйце JavaScript у наладах свайго браўзеру