05.10.2009 / 10:44

Абрад «Цары Каляды» пад пагрозай знікнення 4

Калядны абрад «Цары», што ладзіцца ў вёсцы Семежава Капыльскага раёна, уключылі ў першы спіс нематэрыяльнай культурнай спадчыны ЮНЭСКА.

Калядны абрад «Цары», што ладзіцца ў вёсцы Семежава Капыльскага раёна, уключылі ў першы спіс нематэрыяльнай культурнай спадчыны ЮНЭСКА.

Міжурадавы камітэт ЮНЭСКА па ахове нематэрыяльнай культурнай спадчыны прыйшоў да высновы, што трэба найхутчэй прыняць захады па выратаванні 12 аб’ектаў з васьмі краін, у тым ліку і абраду «Цары Каляды». На думку экспертаў, яны знаходзяцца пад пагрозай знікнення. Унясенне аб'ектаў у Спіс гарантуе прыняцце мераў па іх захаванні. Для фінансавання гэтых мэтаў створаны адмысловы фонд.

Абрад «Цары Каляды» з’явіўся ў XVIII стагоддзі. У той час салдаты і афіцэры расійскага войска хадзілі па вясковых хатах і віншавалі гаспадароў са святам. Затым традыцыі перанялі вясковыя дзеці. Яны пачалі апранацца ў касцюмы, падобныя да вайсковай формы (гэтыя персанажы і сталі называцца «царамі»). Абрад быў узноўлены ў 1997 годзе і праводзіцца да сёння. Ён з’яўляецца нематэрыяльным увасабленнем творчасці, укладу жыцця толькі жыхароў в. Семежава.

КМ паводле БЕЛТА

0
kabierac / Адказаць
05.10.2009 / 19:09
Вёска, здаецца, усё ж Семежава.
0
Алег / Адказаць
04.01.2013 / 01:05
Каберац, ты КЭП
0
інстытут культуры Беларусі / Адказаць
05.01.2013 / 13:29
Усё пра абрад "Калядныя цары" можна пачытаць на новым сайце: www.livingheritage.by. У тым ліку там знойдзеце дакладнае апісанне паходжання абраду і яго асаблівасці. Для НН -- нельга з году ў год паўтараць старыя недакладныя звесткі пра абрад. Можна было б пацікавіцца апошнімі даследаваннямі.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру