12.10.2009 / 16:04

Еўропа не ведае, што рабіць з санкцыямі 7

Гутарка Лукашэнкі з Грыбаўскайтэ пазбавіла еўрапейцаў ілюзій.

Да 16 лістапада міністры замежных справаў ЕС павінны вырашыць, што рабіць з візавымі санкцыямі супраць лукашэнкаўцаў.

Яны былі ўведзеныя ў адказ на ўмацаванне ў Беларусі дыктатуры. Дружба з Расіяй супраць Еўропы была таксама прычынай для іх. Але пачаўся флірт з ЕС і сціплая лібералізацыя — і санкцыі прыпынілі да восені.

Еўрапейцы хацелі б скасаваць іх зусім. Для адмены трэба падстава. А ніводнага новага кроку насустрач лукашэнкаўская адміністрацыя не зрабіла.

Выбарчае заканадаўства застаецца нязменным: падлік галасоў бескантрольны, як і раней. Палітвязень Арцём Дубскі працягвае сядзець. Беларуская хрысціянская дэмакратыя замест рэгістрацыйнага пасведчання атрымала выкрывальніцкі фільм на БТ. Больш за тое, АМОН бязлітасна рассеяў акцыю пратэсту супраць беларуска‑расійскіх манеўраў. Самі ж вучэнні адпрацоўвалі сцэнар рыўка беларускіх войскаў праз тэрыторыю Літвы да Балтыкі, на дапамогу Калінінграду.

Нямецкі пасол у Мінску ў інтэрв’ю на тым тыдні з недвухсэнсоўнай горыччу намякнуў на адсутнасць канкрэтыкі з беларускага боку. «Усё, што ад нас патрабавалася, мы зрабілі», — заявіў Лукашэнка ў Вільні між тым.

Лабістам рэжыму выступіла Італія. Міністр замежных справаў Франка Фраціні пабываў у Мінску.

У той жа час Галандыя настроеная на вяртанне санкцый. Кіраўнік яе дыпламатыі Максім Верхаген сустрэўся з лідэрам Руху «За Свабоду» Аляксандрам Мілінкевічам і Паўлам Севярынцам, апляваным на БТ .

Гутарка Лукашэнкі з Грыбаўскайтэ пазбавіла еўрапейцаў ілюзій.
Не выключана, што выніковае рашэнне можа быць палавіністым: супраць паловы спісу санкцыі будуць знятыя, а супраць другой будзе працягнутае прыпыненне.

Мікола Бугай

0
случайный прохожий / Адказаць
12.10.2009 / 16:09
Сначала хотяел написать: отменить санкции, к чертовой матери, все равно от них толку никакого. А потом поразмыслил как заўзяты апологет рэжыму и пришел к выводу: ды нехай санкции отсавляют. Все равно рэжыму они до лампочки, зато хорошо отвлекают оппозицию на борьбу с ветряными мельницами.
0
Mikola Ramanau / Адказаць
12.10.2009 / 16:43
Tak,nihai zastaiucca - 'sluvainyi prohozyi'.A pry tcym Apazycyia ? Na maiu dumku treba bolei 'Sankcyi' k ulade Lukasenki.A liudiam sto iost sankcyii ,sto ih nima ,nikoga amal ni tikavit.
0
Димыч1 / Адказаць
12.10.2009 / 16:54
Думаю, что пожурят Лукашенко, выставят вновь испытательный срок. А кредиты МВФ выдавать продолжат.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру