12.10.2009 / 14:25

Два лагойскія міліцыянты падазраюцца ў прымяненні сілы да затрыманага 1

Пракуратура Лагойскага раёна расследуе крымінальную справу ў дачыненні да двух супрацоўнікаў мясцовага райаддзела міліцыі.

Справа была распачата па прыкметах злачынства, прадугледжанага ч. 3 арт. 426 КК (перавышэнне ўлады або службовых паўнамоцтваў). Здарэнне мела месца 3 жніўня.

Следства мяркуе, што супрацоўнікі органаў унутраных спраў перавысілі свае паўнамоцтвы, прымяніўшы сілу да грамадзяніна, затрыманага па падазрэнні ва ўчыненні злачынства. Аднак, як падкрэслілі ў абласной пракуратуры, такія дзеянні былі ўчынены не для атрымання прызнаўчых паказанняў, а для ўціхамірвання чалавека, які пачаў буяніць. У выніку мужчыну былі нанесены лёгкія цялесныя пашкоджанні, якія не пацягнулі нават кароткачасовага расстройства здароўя.

Абвінавачанне супрацоўнікам міліцыі пакуль не прад’яўлена. Мера стрымання не прымянялася.

0
Хведар / Адказаць
13.10.2009 / 04:13
Паважанае «БелаПАН»! Дык што ж зрабіў грамадзянін? Буяніў, г.з. перакульваў сталы і крэслы ў пастарунку, пагражаў міліцыянтам судом, мо псаваў іхнюю адзежу? І щто зрабілі міліцыянты: прымянілі сілу, ці збілі грамадзяніна РБ? Незразумела, таму змушае на ўсялякія змрочныя здагадкі. А вось хтосьці з абластной пракуратуры вельмі зразумела ўсе растлумачыў: для атрымання прызнаўчых паказанняў біць грамадзяніна РБ нельга, а вось калі ëн «буяніць», то быццам можна (замест валерыяны), тым больш, што грамадзянін РБ ад гэтага не губляе здароўя і назаўтра пойдзе працаваць. 13.10.09
Каб пакінуць каментар, калі ласка, актывуйце JavaScript у наладах свайго браўзеру