15.10.2009 / 13:32

Мілінкевіч сустрэўся з міністрам замежных спраў Чэхіі і расійскімі палітыкамі 1

Падчас сустрэчы ў Празе беларускай дэлегацыі ў складзе Аляксандра Мілінкевіча, Уладзіміра Навасяда і Паўла Мажэйкі ў Міністэрстве замежных спраў з Янам Кагоўтам цягам 45 хвілін быў абмеркаваны шырокі спектр пытанняў, датычных развіцця стасункаў паміж Беларуссю і Еўразвязам.

Палітыкі дамовіліся, што Чэхія ў наступным годзе будзе працягваць развіваць праграмы падтрымкі людзей, якія праследуюцца па палітычных матывах, і запрашаць беларускіх студэнтаў на навучанне у лепшых ВНУ Чэхіі.

З чэшскага боку плануецца таксама ўзмацніць падтрымку незалежных СМІ, у прыватнасці, «Еўрарадыё» і незалежнага беларускага тэлеканалу «Белсат».

13—14 кастрычніка адбыліся сустрэчы Аляксандра Мілінкевіча з былымі віцэ‑прэм’ерамі Расійскай Федэрацыі Ягорам Гайдарам і Грыгорыем Яўлінскім. Падчас сустрэч з вядомымі расійскімі палітыкамі абмяркоўваліся перспектывы развіцця беларуска‑расійскіх стасункаў і супрацоўніцтва ў галіне экспертных і аналітычных распрацовак праектаў эканамічных рэформаў у Беларусі.

0
Янка / Адказаць
15.10.2009 / 13:46
"Падчас сустрэч з вядомымі расійскімі палітыкамі абмяркоўваліся перспектывы развіцця беларуска‑расійскіх стасункаў і супрацоўніцтва ў галіне экспертных і аналітычных распрацовак праектаў эканамічных рэформаў у Беларусі" Няўжо сп. Мілінкевіч сам такое прыдумаў? Уяўляю: выступае Міля як кандыдат у прэзыдэнты і кажа беларускаму народу: "Маю эканамічную праграму распрацоўвалі Гайдар і Яўлінскі". Можна больш нічога не казаць пасьля такога "піяру" праграмы...
Каб пакінуць каментар, калі ласка, актывуйце JavaScript у наладах свайго браўзеру