15.10.2009 / 13:33

Мітрапаліт Тадэвуш Кандрусевіч будзе ўзнагароджаны ордэнам Вялікага Крыжа

25 кастрычніка у мінскай архікатэдры (пл. Свабоды, 9) падчас урачыстай літургіі ў 13.00 адбудзецца цырымонія ўручэння ордэна Вялікага Крыжа і адпаведнага дыплома Мітрапаліту Мінска‑Магілёўскаму арцыбіскупу Тадэвушу Кандрусевічу.

Рашэнне аб прыняцці арцыбіскупа Кандрусевіча ў Суверэнны Ваенны Мальтыйскі Ордэн у якасці Манаха Капелана Вялікага Крыжа было прынята 5 ліпеня гг. Яго Высокасцю Прынцам-Кіраўніком і Вялікім Магістрам Мальтыйскага Ордэна Фра Мэцью Фэсцінгам.

Пасольства Мальтыйскага Ордэна ў Рэспубліцы Беларусь і кіраўніцтва Мінска‑Магілёўскай архідыяцэзіі з радасцю запрашаюць усіх вернікаў прыняць удзел ва ўрачыстых набажэнствах.

Каб пакінуць каментар, калі ласка, актывуйце JavaScript у наладах свайго браўзеру