15.10.2009 / 14:25

Сацыял-дэмакратаў высяляюць 2

«Вызваліць памяшканне мы абавязаны паводле рашэння суда. Цяпер я пайду ў офіс адключаць тэлефоны», — кажа намеснік старшыні партыі Беларуская сацыял‑дэмакратычная партыя (Грамада) Анатоль Сідарэвіч.

БСДП (Грамада) арандавала ў Мінску памяшканне, якое належыць аднаму з жыллёва‑будаўнічых кааператываў. У ім размяшчаўся офіс цэнтральнай, Мінскай гарадской і чатырох раённых арганізацый партыі.

«Новы старшыня ЖБК палічыў, што ранейшы не меў права здаваць нам у арэнду памяшканне, і падаў пазоў у гаспадарчы суд Мінска. Суд прапанаваў бакам улагодзіць канфлікт з дапамогай пасярэдніка, аднак дамовіцца з ЖБК нам не ўдалося. Да 15 кастрычніка мы вымушаныя вызваліць памяшканьне», — паведаміў кіраўнік партыі Анатоль Ляўковіч.

Новы офіс у Мінску БСДП (Грамада) пакуль не знайшла. Ляўковіч не выключае, што цэнтральны офіс давядзецца рэгістраваць не ў сталіцы.

0
Міхаліна / Адказаць
15.10.2009 / 14:38
Так скончыць кожны, хто падсцілаецца пад рэжым і прабуе з ім фліртаваць. Як толькі яны вырашаюць, што чалавек дастаткова скампрамітаваў сябе - яны выкідаюць такога "канструктыўнага апазіцыянера" на сметнік. БСДП шкада - бо ёсць і там прыстойныя людзі. Ляўковіча - аніколечкі.
0
Сцяпан / Адказаць
15.10.2009 / 16:35
Міхаліна 2 Каб жа гэта быў канец Ляўковіча! Ён яшчэ доўга будзе мазоліць вочы. Усё зробіць для таго, каб БСДП (Г) не змагла пераабраць яго. Нахалеру той Сідарэвіч пёр яго на старшыню?
Каб пакінуць каментар, калі ласка, актывуйце JavaScript у наладах свайго браўзеру