23.10.2009 / 21:36

Новы супертрактар ад МТЗ + фота 24

Мінскі трактарны завод прэзентаваў «Беларус‑3023». Без аналагаў.

Мінскі трактарны завод прэзентаваў «Беларус‑3023». Без аналагаў.

З наступнага года трактар выходзіць у вытворчасць. Сумесна з Расійскім канцэрнам «Русэлпром», плануецца выпусціць 20 машын для вывучэння попыту і рынку.

«Цана беларускага трактара значна ніжэй аналагічных прадуктаў імпартнай вытворчасці. Хаця трактароў з электрамеханічнай трансмісіяй у свеце не існуе», — адзначае Аляксандр Ліхачэўскі,

Канчатковую лічбу, колькі будзе каштаваць такі трактар для беларускіх пакупнікоў, на заводзе пакуль не падлічылі. Аднак папярэдняя мадэль МТЗ «Беларус‑2022» каштавала 146 тысяч даляраў за адну машыну.

Аўтаматычна ўзнікае пытанне, ці будзе попыт на новы тавар і ці не патрапіць ён на склады, перапоўненыя гатовай прадукцыяй?

«Мы проста ўпэўнены, як і ў папярэдніх сваіх рашэннях, што гэта машына знойдзе шырокая прымяненне ў спажыўцоў і будзе карыстацца попытам.

На Трактарным заводзе няма запасаў на складах, якія б перавышалі нарматывы.
Сёння ў нас ёсць запас гатовай прадукцыі ў межах месячнага плана вытворчасці. Менш нельга, бо на МТЗ сёння выпускаецца 130 мадэляў трактароў і каля 360 іх мадыфікацый. Мы штодзённа збіраем на заводзе канструкцыі толькі пад заказ і па просьбе замоўцы. Што тычыцца мадэляў, на базе якіх мы паказваем новыя машыны, то МТЗ мае на гэтыя трактары перадаплату на 2‑3 месяцы».

«Беларус-3023» абсталяваны электрамеханічнай трансмісіяй, якая дазваляе бесступенева рэгуляваць хуткасць руху і пры малым расходзе паліва забяспечваць высокі ўзровень вытворчасці.

Выпрабаванні новай мадэлі паказалі, што яна выкарыстоўвае на 15—20% меней паліва, чым аналагічная машына з класічнай механічнай трансмісіяй. Сярод навінак у абсталяванні — аўтаномная станцыя электразабеспячэння, магутнасцю 175 кілават. У выпадку адсутнасці электраэнергіі трактар можа падтрымліваць забеспячэнне электрычнасцю сучаснай фермы, разам з усёй электронікай і агрэгатамі.

Вось такія крутыя штукі вырабляе Беларусь!

Настасся Шамрэй, фотаздымкі Таццяны Гаўрыльчык

0
Лёкса / Адказаць
23.10.2009 / 18:39
Адразу ўзгадаўся Андрусь Такінданг і гурт Гаротніца :)
0
Scooter / Адказаць
23.10.2009 / 18:39
"Цана беларускага трактара значна ніжэй аналагавых прадуктаў імпартнай вытворчасці." -- "аналагічных", а ні "аналагавых"!
0
Алесь / Адказаць
23.10.2009 / 18:54
малайцы :)
Паказаць усе каментары/ 24 /
Каб пакінуць каментар, калі ласка, актывуйце JavaScript у наладах свайго браўзеру