4 жніўня а 15-й гадзіне суд Цэнтральнага раёну Менску вынес прысуды актывістам незарэгістраванай ініцыятывы «Партнэрства». Мікола Астрэйка асуджаны на 2 гады калёніі агульнага рэжыму, Цімох Дранчук – на 1 год калёніі агульнага рэжыму, Эніра Браніцкая і Аляксандар Шалайка – на паўгода арышту. Нагадаем, што ўсе яны былі арыштаваныя сёлета 21 лютага.
Нягледзячы на ранейшыя запэўніваньні, журналістаў у суд не пусьцілі. Дазволілі ўвайсьці дыпляматам, сваякам і тым, каго сваякі папярэдне ўнесьлі ў сьпіс.
На ганку пад залевай сабраліся каля 40 чалавек, некаторыя чакалі вынясеньня прысуду з паловы на 11-ю раніцы. Зараз з суду выводзяць асуджаных, сабраныя вітаюць іх аплядысмэнтамі і воклічамі падтрымкі. Амапаўцы патрабуюць прыбраць фотакамэры.
Маці плачуць.
На ганку пад залевай некаторыя чакалі вынясеньня прысуду з самай раніцы.
Сярод сабраных быў Анатоль Лябедзька
Цімоха Дранчука выводзяць з залі суду
Фота Андрэя Лянкевіча