27.10.2009 / 00:22

Ляцелі ў казіно, а дамоў не вернуцца Абноўлена ў 10:10 + спіс загінулых + новыя фоты 31

Двое пасажыраў і трое членаў экіпажу загінулі. Бізнесоўцы ляцелі ў мінскае VIP-казіно Шангры Ла.

Каля аэрапорта «Мінск-2» разбіўся элітны самалёт. Двое пасажыраў і трое членаў экіпажу загінулі. Бізнесоўцы ляцелі ў мінскае VIP-казіно Шангры Ла.

За 4 кіламетры ад Нацыянальнага аэрапорта «Мінск‑2», у лесе каля вёскі Пяцілетка, пацярпеў крушэнне элітны лайнер бізнэс‑класа мадэлі «Фалькон», які належаў авіякампаніі «С‑эйр». Як паведамляюць інфармацыйныя агенцтвы са спасылкай на Міністэрства па надзвычайных сiтуацыях, пасажыры самалёта і пілоты загінулі.

Паводле апошніх звестак, загінулі пяць чалавек — два пілоты і тры пасажыры. Адзін з пасажыраў не прыйшоў на рэйс.

Спіс загінулых: кіраўнік авяікампаніі «С-эйр» Марат Рамашкін, другі пасажыр Малышаў і тры члены экіпажу — пілот Самойлаў, штурман Снімшчыкаў і бортправадніца Латуціна.

Бізнесоўцы ляцелі ў элітнае казіно «Шангры Ла», якое нядаўна адчынілася ў Мінску побач з Штаб-кватэрай СНД.

Казіно пераехала ў сталіцу Беларусі з Расіі.

Мінімальная сума абмену грошай на фішкі ў мінскім VIP-казіно складае 5 тыс. даляраў. Мінімальная стаўка ў рулетку — 25 даляраў, у картачных гульнях — 200 даляраў, пісаў учора Ежедневник.

У звычайных мінскіх казіно гэтыя сумы абмежаваныя 1 і 5 далярамі адпаведна.

Казіно «Шангры Ла» разлічана на заможных кліентаў з Беларусі і Расіі, прычым асноўная ўвага, меркавалася, будзе надавацца кліентам з Расіі пасля таго, як улады гэтай краіны пачалі згортваць крымінагенны гульнявы бізнэс.

Чартэрныя рэйсы з Масквы ў Мінск акурат і прадугледжваліся, каб яны маглі пагуляць у казіно.

Лайнер ляцеў з расійскага аэрапорта «Унукава» ў Нацыянальны аэрапорт «Мінск‑2».

З невядомай прычыны самалёт не здолеў зайсці на пасадку з першага разу і паспрабаваў прызямліцца, зрабіўшы кола над аэрапортам. Раптоўна лайнер прапаў з радараў.

Праз кароткі час самалёт, што пацярпеў крушэнне, знайшлі побач з аэрапортам, што знаходзіцца ў Смалявіцкім раёне.

* * *

Самалёт BAе-125 разлічаны на перавозку васьмі пасажыраў. Ён распрацаваны для бізнес-авіяцыі. Даўжыня фюзеляжу — 14,33 м, размах крылаў — 14,33 м, максімальная ўзлётная маса — 12,5 т. Максімальная хуткасць 805 км/г, экіпаж складаецца з двух чалавек.

0
Таццяна Елавая / Адказаць
27.10.2009 / 06:54
да. колькі б грошай не меў, усё адно ад смерці не схаваешся.
0
Янка / Адказаць
27.10.2009 / 10:47
Юля, як гэта вы гэдак... пасярод ночы... Жах! Але й пашанцавала НН займець такога фатакора!
0
Дымша / Адказаць
27.10.2009 / 11:17
Лайнэрамі звычайна мянуюць вялікія паветраныя чаўны, якія зьдзяйсьняюць рэгулярныя палёты згодна раскладу. А тут гаворка пра лятак на 8 пасажыраў.
Паказаць усе каментары/ 31 /
Каб пакінуць каментар, калі ласка, актывуйце JavaScript у наладах свайго браўзеру