27.10.2009 / 12:40

У «Шангры Ла» без 5000 даляраў рабіць няма чаго 13

Казіно разлічана на заможных кліентаў як з Беларусі, так і з Расіі.

У Мінску адкрылася першае VIP-казіно. Мінімальная сума абмену грошай на фішкі складае 5 тыс. долараў.

Сумы ж мінімальных ставак у казіно «Шангры Ла» крыху меншыя, але для беларусаў усё роўна незвыклыя: на рулетцы — 25 даляраў, у картачных гульнях — 200 даляраў. У раней адкрытых менскіх казіно гэтыя сумы звычайна абмежаваныя мінімумам 1 і 5 долараў адпаведна.

Аднак, як паведаміў на прэс-канферэнцыі 23 кастрычніка 23 галоўны выканаўчы дырэктар міжнароднага холдынгу Storm International Дарэн Кін, казіно разлічана на заможных кліентаў як з Беларусі, так і з Расіі. Пра магчымую прапорцыю беларускіх і расійскіх наведвальнікаў стваральнікі казіно пакуль казаць не бяруцца. Хоць не выключаны варыянт чартэрных паездак гульцоў у мінскае «Шангры Ла», як з Масквы, так і іншых сталіц былых саюзных рэспублік, дзе ёсць цяжкасці з гульнявым бізнесам, але маюцца рэгулярныя авіязносіны з Мінскам.

Нягледзячы на такія VIP-мінімумы, па словах менеджэра праекта Андрэя Іванкіна, чаканы тэрмін акупнасці казіно — да 1 года. Пры гэтым інвестыцыі Storm International у мінскі праект склалі каля 3 млрд. беларускіх рублёў, або больш за 1 млн. даляраў.

Разам з тым, як сказаў Дарэн Кін, у першапачаткова разлічаных абмежаваннях на суму абмену грошай магчымыя змены ў працэсе работы казіно. Прасцей кажучы, усё будзе залежаць ад кліентаў і іх колькасці.

0
Паклаценькі / Адказаць
27.10.2009 / 13:05
Пры ўсёй маёй павазе да індустрыі лахатронаў я абураны! 5 тысяч!!! Куды глядзіць крэпкі хазяйственнік?
0
klv / Адказаць
27.10.2009 / 13:56
Паклаценькаму І праўда, як пасля гэтага людзям хадзіць на камуністычныя суботнікі і ў народныя дружыны (генпр-р прапаноўвае)?
0
Кот / Адказаць
27.10.2009 / 23:32
Са згоды Лукашэнкi, Беларусь ператворанаi ў адзiн расейскi гульнявы клюб, з тысячамi гульнявых аўтаматаў-лохатронаў, покерамi, ачком ды iншымi забавамi, дзе абалваньваюць простых беларусаў, куды яны нясуць свае цi то пенсii, цi то невялiкiя зарплаты ў спадзёве выйграць. Але зыходзяць з нiчым, пустымi кiшэнямi. Прыкладна гэтакую карцiну можна назiраць каля кожнага такога клюба, адкуль выходзяць такiя вось аблапошаныя беларусы. Прычым тыя аўтаматы пладзяцца i ў правiнцыi. З такiмi ж казiно хутка трэ чакаць на браткоў ды больш крутыя пагулянкi са стрэламi ды п`янымi оргiямi ў цэнтры Менску расейскае бамонду ды блататы.
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру