27.10.2009 / 17:09

Штанге: Выхад беларускай зборнай у фінальную частку ЧС‑2010 стаў бы сусветнай сенсацыяй 4

Выхад беларускай футбольнай зборнай у фінальную частку чэмпіянату свету 2010 года стаў бы сусветнай сенсацыяй, заявіў галоўны трэнер Бернд Штанге 27 кастрычніка на ХХХ Міжнародным сімпозіуме трэнераў па футболе, які праходзіць у Мінску.

Паводле слоў Штанге, каб прайсці кваліфікацыю, неабходна было набраць яшчэ 7‑8 ачкоў да тых 13, з якімі зборная фінішавала на чацвёртым месцы. Аднак каманда няўдала стартавала, прайграўшы на апошняй хвіліне ўкраінцам, а вядучыя гульцы Аляксандр Глеб і Віталь Кутузаў знаходзіліся не ў лепшай форме. Пры гэтым сапернікамі былі вельмі моцныя зборныя Англіі, Украіны і Харватыі. «Гэта пытанне не трэнера, а ўзроўню маленькай краіны», — лічыць нямецкі спецыяліст.

Разам з тым Штанге, паводле яго слоў, з аптымізмам глядзіць на лёсаванне адборачнага турніру чэмпіянату Еўропы‑2012, якое пройдзе 7 лютага наступнага года.

Каб лепш выступіць у кваліфікацыі, неабходна павысіць узровень вышэйшай лігі. Гэта дазволіць утрымаць таленавітых футбалістаў. Спатрэбяцца таксама адукацыйныя праграмы для трэнераў. Паводле інфармацыі Штанге, у Беларусі толькі шэсць трэнераў, якія маюць катэгорыю Pro (з іх два іншаземцы), 55 — катэгорыю «А» і 120 — катэгорыю «В». Для параўнання, у Германіі — адпаведна 1.070, 5.500 і 28.400.

Апрача таго, мяркуе Штанге, трэнеры зборнай і клубаў «павінны трымацца разам».

«У трэнераў нацыянальных зборных павінна быць ідэя, свой почырк. Яны павінны запэўніваць гульцоў пайсці разам з імі, дастукацца да іх сэрцаў», — падкрэсліў Штанге.

Як заявіў журналістам старшыня Беларускай федэрацыі футбола Генадзь Нявыглас, ацэньваць выступленне зборнай неабходна з улікам узроўню сапернікаў і, як вынік, яе рэальных магчымасцей. Паводле слоў Нявыгласа, лёс Штанге на пасадзе галоўнага трэнера зборнай будуць вырашаць «не карэспандэнты, а прафесіяналы».

0
Станкевич / Адказаць
27.10.2009 / 17:18
лёс Штанге на пасадзе галоўнага трэнера зборнай будуць вырашаць «не карэспандэнты, а прафесіяналы». ++++++++++++++++ Главным критерием должны быть достигнутые результаты. А результаты - скромнее не бывает. Игроков хорошего, боеспособного уровня, в Беларуси достаточно, и тренер есть высокого класса, но не он сборной (к сожалению) руководит.
0
Aleś Jurkaviec / Адказаць
27.10.2009 / 17:43
Гэта пытанне не трэнера, а ўзроўню маленькай краіны», — лічыць нямецкі спецыяліст. _______ Вось навошта такую ерунду гаварыць, я не разумею. Харватыя за нас меншая ў два разы па колькасці насельніцтва і ў чатыры - па тэрыторыі. Ды хай сабе з той Харватыяй, гэта ўсё ж такі краіна з традыцыямі футбольнымі. Але Латвія за нас куды меншая па ўсіх параметрах, і ўзровень зборнай быў параўнальны з нашым заўсёды, а вось калісьці ж выйшла яна на чэмпіянат Еўропы і там не правалілася. І Боснія і Герцавгавіна куды меншая за нас, і таксама ніколі зорак з неба не хапала, а вось цяпер выйшла ж такі ў плей-оф. Пасля гэтых няўклюдных апраўданняў Штанге я адназначна за ягоную адстаўку. Бо строіць ён з сябе карыфея, а дасягненняў за цыкл фактычна аніякіх. Перамогі над Андорай і Казахстанам - гэта занадта дробна, каб лічыць дасягненнем. А з астатнімі камандамі вымучана толькі адно ачко. Думаю, такіх вынікаў мог бы дабіцца і любы беларускі трэнер. Толькі за меншыя грошы.
0
Станкевич / Адказаць
27.10.2009 / 20:33
Вось навошта такую ерунду гаварыць, я не разумею. ++++++++++++++++++++++ Уважаемый Юркавец, Вы почитайте другие интервью Штанге. В каждом интервью он несёт ахинею. Замечу, что Штанге, это тот самый случай, когда слова и дела неотделимы, дела такие же ерундовые.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру