Ірына Абельская ў панядзелак была прызначаная галоўным урачом «Рэспубліканскай бальніцы упраўлення справамі прэзідэнта», паведамілі «НН» ў даведачнай гэтай установы.
Апошнімі днямі хадзілі размовы, што Абельская можа ўзначаліць цэнтр анкалогіі і медыцынскай радыялогіі ў Бараўлянах. Тым не менш, на месца акадэміка Іосіфа Залуцкага паставілі Аркадзя Ларыёнава, які да гэтага ўзначальваў Лечкамісію.
Абельская ўжо была галоўным урачом у Лечкамісіі, але была звольненая ў красавіку 2007 году. Цяпер вось дакторку вярнулі на старое месца. Яшчэ раней яна была асабістым лекарам Аляксандра Лукашэнкі.
0
0
0
0
0
0
