7 жніўня паўтарагадовыя кантракты з львоўскімі «Карпатамі» падпісалі 29-гадовыя легіянеры беларусы Уладзімер і Міхаіл Макоўскія. Беларуская дыяспара ў чэмпіянаце Ўкраіне вырасла да 13 чалавек.

Месяц таму братоў-блізьнятаў выставіў на трансфэр «Інтэр» (Баку). Браты, якія маюць таксама абсалютна аднолькавы рост і вагу (186 см і 79 кг), пачыналі кар’еру ў Маладэчне, потым перайшлі ў менскае «Дынама» (1995–1997), разам зьехалі ў кіеўскае «Дынама» (1998-1999), дзе, праўда, ім не ўдалося замацавацца. Потым іх шляхі час ад часу разыходзіліся і сыходзіліся.

Уладзімер гуляў за «Балтыку» (Калінінград), «Ворсклу» (Палтаву), «Закарпацьце» (Ужгарад), «Дынама» (Менск), «Тарпэда-СКА» (Менск).

Міхаіл Макоўскі гуляў за «Арсэнал» (Кіеў), «Ворсклу», «Закарпацьце», ЦСКА (Кіеў).

У 2004–2006 гг. абодва гулялі за бакінскі «Інтэр».

За нацыянальную зборную Ўладзімер Макоўскі згуляў 27 матчаў, забіў 4 галы. Міхаіл правёў адзін матч.

Пасьля трох тураў львоўскія «Карпаты» займаюць дзявятае месца, маючы на сваім рахунку адну перамогу, адну нічыю і адна паразу. 20 жніўня «Карпаты» згуляюць на выезьдзе з харкаўскім «Мэталістам».

FC Karpaty Lviv