08.11.2009 / 00:31

«Яны» і мы на фоне эпідэміі грыпу 7

«Чаму наша ўлада такая тупая і баязлівая?» Адказ на гэтае пытанне шукае на naviny.by Сямён Букчын.

«Чаму наша ўлада такая тупая і баязлівая?» Адказ на гэтае пытанне шукае на naviny.by Сямён Букчын.

Ну, вось прыйшла-навалілася грыпозная эпапея. Не першая ў гісторыі чалавецтва. На жаль – не апошняя. З ахвярамі. З разгубленасцю людзей і нават панікай.

Што робяць «яны»?

Замест таго, каб штодзень і нават пару разоў на дзень, праз радыё, ТВ, газеты, ясна, зразумела, даступна – і галоўнае, прафесійна — інфармаваць людзей, «яны» займаюць кругавую абарону.

У нас усё добра!

Лекаў дастаткова!

Няму нагоды для панікі!

І нават пагражаюць тым СМІ, якія «дазваляюць сабе…»

Ясная рэч, паніка страшная штука. І з ёй трэба змагацца. Але не кругавой чынавенскай абаронай – у нас усё выдатна! няма нагоды для непакою! – а праўдай. Бо ў людзей дзеці хварэюць, блізкія ляжаць у больніцах у цяжкім стане, а ў кагосьці – паміраюць. Але гэтая праклятая савецкая практыка лгаць і хаваць у нас непарушная.

І гэты горкі даўні досвед у спалучэнні з ведамі пра сённяшні стан спараджае – не, не недавер да ўладаў, а поўную пагарду да іхнага неразборлівага мармытання.

Людзі памятаюць ману ўладаў у чарнобыльскія дні.

Людзі памятаюць цынізм улады ў дні Катастрофы на Нямізе. «Ну, здарылася! Ну, бывае! Ну, затапталі людзей у цісканіне!» Ніхто тады не адказаў за гібель людзей. Справа немагчымая ў нармальнай краіне.

Людзі памятаюць шараханні ўлады, паліцэйскае беззаконне пасля выбуху 4 ліпеня 2008 года.

І цяпер «яны» хочуць, каб «ім» верылі?

Але для гэтага трэба навучыцца хоць бы нармальнай людскай мове. І ёсць жа ў каго павучыцца. У інтэрнэце змешчаны тэкст украінскага доктара Камароўскага. Дакладны. Ясны. Людскі. І колькі ж удзячных словаў раздалося ў яго адрас! Вось што трэба людзям! Нармальнае і прафесійнае слова.

Трэба будзе «ім» прызнаць і сваю віну ў непадрыхтаванасці да цяперашніх драматычных падзей. Але калі «яны» па прыродзе сваёй няздольныя на такое?
Ну, няма ў іх в галовах, у душах гэтай здольнасці гаварыць з людзьмі! Што пацвердзіў і найгалоўны з «іх», які заявіў, што «па-свінячаму сёння пішчыць увесь свет».

Ясная справа, чалавек хацеў выказацца арыгінальней. Не хацеў нікога пакрыўдзіць.

Але што рабіць, калі ў чыноўнікаў адсутнічаюць рэўныя рэцэптары, што адказваюць за культуру, маральнасць, за разуменне таго, ШТО яны кажуць.

Таму й вымушаныя следам за імі ісці ідэалагічныя лакеі й падчышчаць… Даказваць, што мелася на ўвазе не тое і што ўвогуле ворагі перакруцілі сказанае…

Як не зразумець журбу аднаго інтэрнаўта: «Чаму наша ўлада такая тупая і баязлівая?»

Фундаментальнае пытанне.

І адказ можа быць толькі адзін. Такую самі выбралі.

Хочаш падзяліцца важнай інфармацыяй ананімна і канфідэнцыйна?

0
Mikola / Адказаць
08.11.2009 / 10:43
Ja Vybiraiu Novuiu Uladu i bez Lukasenki.
0
12 / Адказаць
08.11.2009 / 11:32
Ну, Букчын пагнаў гусей. Тое, што ен не любіць Беларусь - гэта ясна. Але ў дадзеным выпадку ён проста скажае сапраўднасць. Нармальнае грамадства не назапашвае процівагазаў. Вірусны грып - хвароба без межаў: пабыў і паляцеў далей. Так і гусі з выраю ляцяць. Могуць "какнуць" Букчыну на лысіну, а ён будзе крычаць: "Улада вінавата!" Адчуваецца, што аўтар разам з іншымі "дабрадзеямі" адклікае ўвагу грамадства ад сапраўдных праблем. А яны ёсць. У першую чаргу не прыцягнуты да адказнасці тыя, хто на працягу доўгіх гадоў душыў свабодалюбства, у краіне няма свабоднай прэсы, вялікае беспрацоўе. Не развіваецца культура, мова, поўнасцю адсутнічае нармальнае кнігавыданне. На кінастудыі ... - поўная дэградацыя. Курапаты выкарысталі ў якасці шчыта - не дапамагло. Цяпер з грыпам носіцеся...
0
беларуска / Адказаць
08.11.2009 / 11:42
Полностью согласна. Обидно, когда свиньями обзывают. Не умеет это правительство уважать людей.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру