08.11.2009 / 18:00

Адпусцілі без пратаколаў 1

Лідэраў міжнароднай маладзёжнай арганізацыі «Малады фронт» Настассю Палажанку і Мікалая Дземідзенку, затрыманых у Мінску 7 лістапада, адпусцілі без складання пратаколаў.

Пра гэта паведаміла прэс-сакратар арганізацыі Таццяна Шапуцька.

Нагадаем, Палажанка была затрымана пры выхадзе з дома, а Дземідзенка — на плошчы Незалежнасці каля касцёла Cвятых Сымона і Алены. Іх даставілі ў розныя аддзяленні міліцыі і спрабавалі абвінаваціць у парушэнні парадку арганізацыі масавых мерапрыемстваў. Паводле некаторых звестак, Дземідзенка планаваў правесці каля помніка Леніну адзіночную акцыю ў межах аб'яўленай «Маладым фронтам» кампаніі «Камунізм — пад трыбунал». За што была затрымана Палажанка — невядома.

«Спачатку Настассю, якую даставілі ў Першамайскае РУУС Мінска, следчыя спрабавалі запалохаць магчымасцю распачынання ў дачыненні да яе справы па артыкуле 193-1 КК (дзейнасць ад імя незарэгістраванай арганізацыі). Потым на яе пачалі складаць адміністрацыйныя пратаколы, а затым, вырашыўшы, што гэта дарэмна, выпусцілі праз шэсць гадзін знаходжання ва ўпраўленні», — сказала Шапуцька.

Мікалая Дземідзенку, паводле яе слоў, таксама пратрымалі каля чатырох гадзін ва УУС Маскоўскага раёна, пасля чаго адпусцілі.

Хочаш падзяліцца важнай інфармацыяй ананімна і канфідэнцыйна?

0
Сяржук / Адказаць
08.11.2009 / 19:00
А теперь надо подать жалобу в прокуратуру, за незаконное задержание, более чем на три часа. Хотя все понятно каков будет твет, но все же, пусть тебе кто задержал и дал указание на задержание выкручиваются.
Каб пакінуць каментар, калі ласка, актывуйце JavaScript у наладах свайго браўзеру