Урад павялічыў квоту на вытворчасць гарэлкі і лікёра‑гарэлачных вырабаў у 2009 г.

Такое рашэнне змешчана ў пастанове Савета міністраў №1436 ад 4 лістапада, апублікаваным на Нацыянальным прававым інтэрнэт‑партале.

Згодна з дакументам, у Беларусі квота на вытворчасць гарэлкі і лікёра‑гарэлачных вырабаў павялічана з 16 млн. 179 тыс. дэкалітраў да 16 млн. 494 дэкалітраў, або на 1,9%.

Таксама павялічана квота на вытворчасць мацаваных пладовых марачных він палепшанай якасці і спецыяльнай тэхналогіі на 11%
— з 5 млн. 260 тыс. дэкалітраў да 5 млн. 798 тыс. дэкалітраў.

У той жа час зніжана квота на вытворчасць ардынарных пладовых мацаваных вінаў на 2,3% ‑‑ з 17 млн. 660 тыс. дэкалітраў да 17 млн. 261 тыс. дэкалітраў.

Паводле звестак Белстата, у Беларусі ў студзені — верасні было выпушчана 10,4 млн. дэкалітраў гарэлкі і лікёра‑гарэлачных вырабаў, што на 5% больш, чым за аналагічны перыяд 2008 года. Пладовых вінаў было выпушчана 13,9 млн. дэкалітраў (на 8,1% менш).

БелаПАН