09.11.2009 / 16:05

Лукашэнка: Этнаканфесійная палітыка ў краіне з’яўляецца залогам згоды ў грамадства 3

Этнаканфесійная палітыка, што праводзіцца ў краіне, з’яўляецца залогам грамадзянскага міру і згоды ў грамадстве.

Пра гэта заявіў Аляксандр Лукашэнка сёння на сустрэчы з прадстаўнікамі рэлігійных канфесій — удзельнікамі міжнароднай канферэнцыі «Хрысціянска‑іудзейскі дыялог: рэлігійныя каштоўнасці як аснова ўзаемапавагі ў грамадстве ва ўмовах глабальнага эканамічнага крызісу».

Кіраўнік дзяржавы адзначыў, што ў сучасных умовах вельмі важна не распальванне міжканфесійнай варожасці, а актыўнае развіццё плённага дыялогц. «І вы, лідэры рэлігійных рухаў, паказваеце прыклад добрасуседства не толькі вернікам, але і палітыкам, усім людзям добрай волі», — сказаў Лукашэнка.

Ён выказаў упэўненасць, што правядзенне цяперашняй канферэнцыі дапаможа людзям лепш зразумець адзін аднаго, данесці да грамадства каштоўнасць уласнай рэлігійнай культуры і прадэманстраваць гатоўнасць да дыялога.

«Вопыт Беларусі ў справе пабудовы раўнапраўных, дружалюбных адносін прадстаўнікоў розных веравызнанняў будзе цікавы і карысны іншым краінам,

— лічыць Аляксандр Лукашэнка. — Мы заўсёды адкрыты для вас, на нашай зямлі вы можаце адчуваць сябе як дома. Шчыра спадзяюся, што цеплыня і гасціннасць беларускага народа пакінуць у вас самыя прыемныя ўспаміны».

Міжнародная навуковая канферэнцыя «Хрысціянска‑іудзейскі дыялог: рэлігійныя каштоўнасці як аснова ўзаемапавагі ў грамадзянскім грамадстве ва ўмовах глабальнага эканамічнага крызісу» праходзіць у Мінску 9‑11 лістапада. Ініцыятыва правядзення належыць Беларускай праваслаўнай царкве.

Хочаш падзяліцца важнай інфармацыяй ананімна і канфідэнцыйна?

0
Dzjadylja / Адказаць
09.11.2009 / 23:01
«Вопыт Беларусі» ---» Пабеларуску: досьвед Беларусі
0
Dzjadulja / Адказаць
09.11.2009 / 23:16
«Ініцыятыва правядзення належыць Беларускай праваслаўнай царкве.» У Рэспубліцы Беларусь не існуе такое рэлігийнае арганізацыі як “Беларуская праваслаўная царква“! Па кантэксту, тут відавочна мелася наўвеце “Белорусский Экзархат Русской Православной Церкви”, то бок, філія расейскае “РПЦ” на тэрыторыя юрысдыкцыя іншае дзяржавы, Рэспублікі Беларусь.
0
Dzjadulja / Адказаць
09.11.2009 / 23:24
Па словах А.Лукашэнкі, сёньня Беларусь -- гэта агульны, спакойны й утульны дом для прадстаўнікоў 140 нацыяў і 25 веравызнаньняў. (http://www.ucpb.org/?lang=rus&open=22114) ---» Ці папраўдзе _столькі_? ;-) Выглядае на тое, што сп. А.Лукашэнка як кажа “Беларусь”, то ў галаве трымае “Вялікая Расея”.
Каб пакінуць каментар, калі ласка, актывуйце JavaScript у наладах свайго браўзеру