09.11.2009 / 17:27

Арпетола няма, вазьміце анальгін 1

Міністэрства аховы здароўя Беларусі заклікае фармацэўтычных работнікаў «прытрымлівацца прынцыпаў медычнай этыкі».

Міністэрства аховы здароўя Беларусі заклікае фармацэўтычных работнікаў «прытрымлівацца прынцыпаў медычнай этыкі».

Пра гэта гаворыцца ў лісце, які міністэрства накіравала ў арганізацыі, што гандлююць лекамі.

Як вынікае з ліста, міністэрства «ведае пра факты нездавальняючай якасці паслуг насельніцтву, звязанай з некваліфікаваным кансультаваннем грамадзян па пытаннях наяўнасці і прымянення лекавых сродкаў, якія карыстаюцца павышаным попытам у сувязі з сезонным ростам рэспіраторных захворванняў».

Міністэрства аховы здароўя падкрэслівае, што пры часовай адсутнасці ў аптэках асобных найменняў лекаў

фармацэўтычны работнік абавязаны кваліфікавана пракансультаваць наведніка, прапанаваўшы іншыя найменні для лячэння і прафілактыкі вірусных інфекцый.

Асноўнай задачай фармацэўтычнага работніка ў адпаведнасці з патрабаваннямі заканадаўства з’яўляецца «найбольш поўнае забеспячэнне насельніцтва лекавымі сродкамі, вырабамі медыцынскага прызначэння, таварамі аптэчнага асартыменту», гаворыцца ў лісце.

Як паведамлялася, у панядзелак раніцай у аптэках Мінска па‑ранейшаму назіраўся дэфіцыт супрацьвірусных лекаў.

Супрацоўнікі аптэк заяўляюць, што арпетол, арбідол і аксалінавая мазь паступяць, магчыма, заўтра.

У Міністэрстве аховы здароўя, у сваю чаргу, сцвярджаюць, што арпетол і аксалінавая мазь беларускай вытворчасці будуць пастаўлены ў аптэчную сетку ў найбліжэйшы час.

БелаПАН

Хочаш падзяліцца важнай інфармацыяй ананімна і канфідэнцыйна?

0
q / Адказаць
10.11.2009 / 09:17
В известном анекдоте против кашля хорошо помогает пурген :)
Каб пакінуць каментар, калі ласка, актывуйце JavaScript у наладах свайго браўзеру