09.11.2009 / 18:16

У пятніцу 13-га ў Гродне адбудзецца дзень цвярозасці 7

Такія акцыі ў горадзе над Нёманам ладзяцца раз на квартал.

Такія акцыі ў горадзе над Нёманам ладзяцца раз на квартал.

У пятніцу 13 лістапада ў Гродне пройдзе чарговы дзень цвярозасці. Як адзначае Блог Гродно s13, гарадскія ўлады працягваюць прытрымлівацца свайго плана — 1 «дзень» у квартал. Аўтар блогу скептычна ставіцца да ініцыятывы ўладаў і мяркуе, што «такія дні зусім ніяк не ўплываюць на тых, дзеля каго яны ладзяцца, бо выпівохі ўжо даўно ў курсе, што любімае віно, піва і гарэлку можна набыць у гэты дзень у любым бары». І дадае: «Звычайна ў гэты дзень улады заклікаюць напоўніць сваё жыццё святам здароўя і радасці, зрабіць свет лепшым і больш чысцейшым, перамагчы ўласныя слабасці і паклапаціцца пра тых, хто побач». Дык якую ж святочную праграму прапануюць гродзенскія ўлады месцічам у чарговы дзень цвярозасці? Згодна афіцыйнай інфармацыі, гарадскія мерапрыемствы ў рамках Дня цвярозасці ў пятніцу 13-га будуць адбывацца паводле асобнага плана. Азнаёміцца з планам пакуль немагчыма, але карціну гэтага дня можна скласці з плана гарадскіх мерапрыемстваў на 9-15 лістапада 2009 г. Так, узорны музычна-драматычны тэатр «Гродзенскі званочак» запрашае на спектакль спектакль «Стравусёнак Рокі», Гродзенскі абласны тэатр лялек пакажа «Хто адкажа за планету?». Гісторыка-археалагічны музей у гэтыя дні прапануе наведаць персанальную выставу жывапісу Сяргея Грыневіча, гарадская выставачная зала – выніковую выставу Міжнароднага пленэру «Гродна – дарог скрыжаванне» і г.д. Аматары спорту могуць наведаць першынство Гродна па вольнай барацьбе сярод юнакоў, па баскетболе сярод ВНУ горада. 13 лістапада ў Гродна ў рамках чэмпіянату краіны па хакеі з шайбай адбудзецца сустрэча мясцовага «Нёмана» з наваполацкім «Хімікам». Аматары валейболу могуць наведаць паядынак паміж гродзенскім «Камунальнікам» і віцебскім «Марка».

***

Дні цвярозасці ў Мінску і гарадах Беларусі адбываюцца з ініцыятывы былога міністра ўнутраных спраў Уладзіміра Навумава. Абмежаванне на продаж спіртных напояў па рэкамендацыі мясцовых уладаў уводзіцца ў часе правядзення школьных выпускных вечароў. У Гродне ад 1 сакавіка 2009 года парк імя Жылібера рашэннем мясцовых уладаў абвешчаны зонай цвярозасці.

Хочаш падзяліцца важнай інфармацыяй ананімна і канфідэнцыйна?

Сямён Печанко

0
Кнехт / Адказаць
09.11.2009 / 18:28
Дык, атрымліваецца, што на свята ў Гародню трэба ехаць са сваім пітвом, я так зразумеў?
0
Міхаліна / Адказаць
09.11.2009 / 18:30
Фрэдзі Кругэр адпачывае :)
0
2Кнехт / Адказаць
09.11.2009 / 18:57
У гэты знаменацельны дзень -- так. Толькі са сваім.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру