13.11.2009 / 12:21

Новы «Дзеяслоў» 1

Фантасмагарычныя падарожжы па падводным Менску і гістарычныя шпацыры па паваенным Тэгеране.

Галоўны рэдактар Барыс Пятровіч зноў бярэ сваіх чытачоў у чàсавыя вандроўкі.

Гэтак, у нумары можна зазірнуць у кнігі, якія яшчэ не надрукаваныя: фантасмагарычны раман Іллі Сіна «Тэатральныя дэманы» (твор мае выйсці асобнай кнігай у выдавецтве «Галіяфы») пра падводнае падарожжа па затопленым Менску. А таксама азнаёміцца з пакуль што не зведзенымі ў кнігу падарожнымі нататкамі нямецкага журналіста Увэ Рада: ён падзеліцца сваімі прыгодамі падчас сваёй вандроўкі па Нёмане (Кёнігсбершчына, Літва, Гарадзеншчына).

У дадатак чытачы новага 42-га нумару «Дзеяслова» маюць магчымасць вярнуцца ў пачатак 80-х і пагартаць лісты Анатоля Сыса да сяброў.

І зусім ужо далёка, у Іран, закіне чытача аповесць-рэпартаж «Шахіншах», добра вядомага ў нас польскага журналіста і літаратара Рышарда Капусьцінскага: ён распавядзе пра перадгісторыю ісламскай рэвалюцыі.

З лёгкага: інтэрв'ю з Уладзімірам Арловым і рэцэнзія (у выглядзе ліста да сябра) Уладзіміра Сіўчыкава на кнігу Алеся Аркуша «Брызгалаўка. Жодзінскія аповеды».

Лявон К.

0
Андрэй Мельнікаў / Адказаць
13.11.2009 / 12:41
Досыць рэдкая з'ява сярод беларускіх творцаў - пускаць да публічнасці трапную крытыку сябе ў выданні, якое сам жа рэдактуеш. У выпадку з лістамі Сыса ў гэтым "Дзеяслове" такая рэч атрымалася: Эдуард Акулін пусціў на старонкі трапны і, наўрад ці прыемны, крытычны погляд на Акуліна Анатоля Сыса. Мыслю, добры прыклад. І для КХП, і для ЛГБТ. І для нас з вамі.
Каб пакінуць каментар, калі ласка, актывуйце JavaScript у наладах свайго браўзеру