13.11.2009 / 14:06

Ксёндз Ёзас Булька трапіў у рэанімацыю абноўлена 14

У яго дыягнаставалі ачаговы інфаркт міякарду. Стан ацэньваецца як цяжкі.

Лекар рэанімацыйнага аддзялення паведаміў, што ксёндз Ёзас Булька трапіў ў шпіталь 10 лістапада. У яго дыягнаставалі ачаговы інфаркт міякарду. На сёння яго стан лекары ацэньваюць як цяжкі, але запэўніваюць, што ўсе неабходныя лекі ёсць, і спецыялісты робяць усё што могуць.

Ніякіх прагнозаў лекары не даюць, найперш таму, што хворы даволі сталага веку — яму ўжо амаль 83 гады.

Ксёндз Ёзас, які служыць у касцёле Святой Ганны ў вёсцы Мосар Глыбоцкага раёна, набыў вядомасць у Беларусі найперш як змагар з пабытовым п’янствам і алкагалізмам. З яго ініцыятывы Удзелаўскі сельскі савет сёлета абвешчаны «зонай цвярозасці» — у тутэйшых вясковых крамах не гандлююць спіртовымі напоямі.

Шмат турыстаў прыяжджае ў вёску Мосар, каб паглядзець «беларускі Версаль» — унікальны парк вакол касцёла, створаны пад кіраўніцтвам ксяндза Ёзаса і з яго непасрэдным удзелам. Яшчэ адзін ягоны праект увасоблены ў жыцьцё ў вёсцы Парыж Пастаўскага раёна — тут ўзведзена свая «Эйфелева вежа», 30‑метровая металічная канструкцыя, якая на Каляды ззяе каляровымі агеньчыкамі.

Сёлета беларускі ксёндз стаў і героем буйнога палітычнага скандалу — у сродках масавай інфармацыі з’явіліся звесткі пра ягонае супрацоўніцтва з камуністычнымі спецслужбамі ў Літве, дзе Ёзас Булька жыў і працаваў да таго, як стаць святаром.

0
zmicier / Адказаць
13.11.2009 / 15:51
дай Бог здароўя!! !
0
Dzjadulja / Адказаць
13.11.2009 / 15:59
«А. Юозас Булька — стваральнік антыалкагольнага музея і батанічнага саду.»[у Мосары] ---» Таксама: “Доўгая дарога агента «Бімбы»” http://nn.by/index.php?c=ar&i=24001, 21 Лютага 2009 “Андрэй Пачобут раскапаў дадатковыя факты пра агента «Бімбу»” http://nn.by/index.php?c=ar&i=24201, 02 Сакавiка 2009 “У выніку скандалу Юзас Булька трапіў у шпіталь” http://www.euroradio.fm/by/813/subscr/30975/, 08.04.2009 “Булька мог быть рукоположен в священники с помощью спецслужб?” http://www.euroradio.fm/ru/815/reports/31087/, 10.04.2009
0
zmicier / Адказаць
13.11.2009 / 16:18
Dzjadulja, чалавеку кепска, а вы пішыце тут ахінею, якой усім вушы ўжо пражужжалі. Вы хаця б сотую частку добрых спраў пана Булькі зрабіце за сваё жыццё. РэгiёнBY: А где прямые доказательства, что он имел отношение к убийствам? Ритас Нарвидас: У нас нет ни одного документа, что ксёндз лично кого-то убивал. Единственный факт — участвовал в уничтожении и был схвачен в лесу 19 марта 1951 г. Не подумайте только, что это какое-то персональное давление на ксёндза. Таких, как Булька, человек 20 набралось уже: кого-то осудили условно, кто-то умер во время расследований. http://news.tut.by/134779.html Мярзотна глядзець, як беларусы вядуцца на дэзу лабусаў для якіх нават нашыя дзяды - проста савецкія бандыты.
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру